[X] Close

ம.பி: சேற்றை இறைத்தவரையே பேண்டை சுத்தம் செய்ய சொல்லி கன்னத்தில் அறைந்த பெண் காவலர்

இந்தியா

Madhya-Pradesh-Policewoman-Forces-Man-To-Clean-Her-Trousers

மத்திய பிரதேசம் மாநிலத்தில் காவலர் ஒருவர் தன் பேண்டில் இருந்த சேற்றை சுத்தம் செய்யும் படி கட்டாயப்படுத்திய வீடியோ சமூக வலைதளங்களில் வைரலாகி வருகிறது.

மத்தியபிரதேசம் மாநிலம் ரேவா பகுதியில் பெண் காவலர் மீது இருசக்கர வாகனத்தில் சென்றவர் தவறுதலாக சேற்றை வாரியிறைத்தாக கூறப்படுகிறது. இதனால் கடுப்பான பெண் காவலர், சம்பந்தப்பட்ட நபரை அழைத்து, தனது பேண்டில் இருந்த சேற்றை சுத்தம் செய்யும் படி கட்டாயப்படுத்தியுள்ளார். சுத்தம் செய்து முடித்ததும், அந்த நபரை அறைந்துள்ளார். இந்த வீடியோ சமூக வலைதளங்களில் வைரலாக பரவி வருகிறது.

வீடியோ வைரலானதையடுத்து, சம்பவத்தில் ஈடுபட்டவர், ஊர்காவல்படையைச் சேர்ந்த பெண் காவலர் சசிகலா என்பது தெரியவந்துள்ளது. இந்த சம்பவம் தொடர்பாக கூடுதல் எஸ்.பி. ஷிவ்குமார் கூறுகையில், 'இந்த சம்பவம் உண்மையில் அரங்கேறியுள்ளது. இது தொடர்பாக யாரேனும் புகார் அளித்தால் விசாரணை மேற்கொள்ளப்படும்''என்று தெரிவித்துள்ளார். மத்திய பிரதேசத்தை பொறுத்தவரை கடந்த ஆண்டு மேமாதம் மாஸ்க் அணியாத பெண்ணை, காவலர் ஒருவர் தாக்கி தரதரவென இழுத்துச்சென்ற வீடியோ வைரலானது குறிப்பிடத்தக்கது.

Advertisement:

Advertisement

Advertisement
[X] Close