[X] Close

ஐஸ்வர்யா ராஜேஷின் ‘தி கிரேட் இந்தியன் கிச்சன்’ செகெண்ட் லுக் வெளியீடு

சினிமா

second-look-of-Aishwarya-Rajesh-The-Great-Indian-Kitchen-out

ஐஸ்வர்யா ராஜேஷின் ‘தி கிரேட் இந்தியன் கிச்சன்’ படத்தின் செகெண்ட் லுக் வெளியாகியுள்ளது.

விமர்சன ரீதியாகவும் கருத்தியல் ரீதியாகவும் மலையாள சினிமா மட்டுமல்லாமல் தென்னிந்திய ரசிகர்களிடமும் பாராட்டுகளைக் குவித்த ‘தி கிரேட் இந்தியன் கிச்சன்’ படத்தினை தமிழில் இயக்குநர் கண்ணன் ரீமேக் செய்து வருகிறார். நாயகியாக ஐஸ்வர்யா ராஜேஷ் நடிக்கிறார். தமிழிலும் ‘தி கிரேட் இந்தியன் கிச்சன்’ தலைப்பிலேயே உருவாகும் இப்படத்தில் நாயகனாக ராகுல் ரவீந்திரனும் முக்கிய கதாபாத்திரத்தில் யோகி பாபுவும் நடிக்கிறார்கள். இப்படத்தின் அறிவிப்பு கடந்த வருடம் வெளியாகி தொடர்ந்து படப்பிடிப்பு நடைபெற்று வந்த நிலையில், புத்தாண்டையொட்டி படத்தின் ஃபர்ஸ்ட் லுக் வெளியாகி கவனம் ஈர்த்தது. இந்த நிலையில், இன்று செகெண்ட் லுக் வெளியாகியுள்ளது. ஃபர்ஸ்ட் லுக்கில் ஐஸ்வர்யா ராஜேஷும், செகெண்ட் லுக் ஐஸ்வர்யா ராஜேஷ், ராகுல் ரவீந்திரன் இருக்கும் படத்துடன் வெளியாகியுள்ளது.

image


Advertisement

இந்தியாவில் குடும்பம் என்கிற அமைப்பு எப்படி பெண்ணின் உழைப்பை சுரண்டுகிறது என்பது குறித்தும், இந்தியப் பெண்களின் வாழ்வியல் சிக்கலையும் மிக அழுத்தமாக பதிவு செய்து பல்வேறு சர்வதேச விருதுகளையும், சமீபத்தில் கேரள மாநில அரசின் விருதினையும் வென்ற ‘தி கிரேட் இந்தியன் கிச்சன்’ தற்போது தமிழிலும் ரீமேக் செய்யப்பட்டுள்ளதால் எதிர்பார்ப்புகள் அதிகரித்துள்ளன. விரைவில் ட்ரெய்லர் வெளியாகும் என்று அறிவித்துள்ளனர்.

Advertisement:

Advertisement

Advertisement
[X] Close