[X] Close

புத்தாண்டில் விக்ரமின் ‘மகான்’ வெளியீட்டுத் தேதி அறிவிப்பு

சினிமா

actor-vikram-mahaan-Teaser-and-release-date-Announcement-in-new-year

வரும் புத்தாண்டையொட்டி நடிகர் விக்ரமின் ’மகான்’ டீசர் மற்றும் வெளியீட்டுத் தேதி அறிவிப்பை படக்குழு வெளியிடவுள்ளதாக தகவல்கள் வெளியாகியுள்ளன.

கார்த்திக் சுப்பராஜ் இயக்கத்தில் விக்ரம் - துருவ் விக்ரம் 'மகான்' படத்தில் இணைந்து நடித்து முடித்துள்ளனர். இந்த ஆண்டின் துவக்கத்தில் கொடைக்கானலில் தொடங்கிய இப்படத்தின் படப்பிடிப்பு டார்ஜிலிங், நேபாள எல்லை உள்ளிட்ட இடங்களில் நிறைவுப்பெற்றது. சிம்ரன், வாணி போஜன், பாபி சிம்ஹா உள்ளிட்டோர் முக்கிய கதாபாத்திரங்களில் நடித்திருக்கும் 'மகான்' படத்திற்கு சந்தோஷ் நாராயணன் இசையமைத்துள்ளார்.

image


Advertisement

சமீபத்தில், இப்படத்தின் டப்பிங் பணிகள் நிறைவடைந்துள்ளன. படம் பொங்கலையொட்டி அமேசான் பிரைம் ஓடிடி தளத்தில் வெளியாகவுள்ளது என்று சொல்லப்படுகிறது. இந்த நிலையில், வரும் புத்தாண்டையொட்டி ‘மகான்’ படத்தின் டீசர் வெளியீட்டுத் தேதியையும் படத்தின் வெளியீட்டுத் தேதியையும் படக்குழு அறிவிக்கவுள்ளதாக தகவல் வெளியாகியுள்ளது. படத்திற்கு யு/ஏ சான்றிதழ் கிடைத்துள்ளது. அடுத்ததாக பா.ரஞ்சித்தின் ’விக்ரம் 61’படத்தில் விக்ரம் நடிக்கவிருக்கிறார் என்பது குறிப்பிடத்தக்கது.

Advertisement:

Advertisement

Advertisement
[X] Close