Published : 22,Dec 2021 10:10 PM
ராமநாதபுரம்: இலங்கை சிறையிலிருந்து தமிழ்நாட்டு மீனவர்களை மீட்க வலியுறுத்தல்
இலங்கை கடற்படையால் சிறைப்பிடிக்கப்பட்ட மீனவர்களையும் விசைப்படகுகளையும் மீட்காவிட்டால், சென்னையில் உள்ள இலங்கை துணைத் தூதரகத்தை முற்றுகையிடப் போவதாக ராமநாதபுரம், புதுக்கோட்டை மீனவர்கள் தீர்மானம் நிறைவேற்றியுள்ளனர்.
தமிழ்நாட்டைச் சேர்ந்த 68 மீனவர்கள், 10 விசைப்படகுகள் ஆகியவற்றை இலங்கையிலிருந்து மீட்க வலியுறுத்தி, ராமேஸ்வரம், மண்டபம், பாம்பன், புதுக்கோட்டை மீனவர்கள், தங்கச்சிமடத்தில் உண்ணாவிரதம் மேற்கொண்டனர். வரும் 31 ஆம் தேதிக்குள் மீட்கப்படாவிட்டால், ஜனவரி ஒன்றாம் தேதியன்று சென்னை செல்லும் விரைவு ரயிலை தங்கச்சிமடத்தில் மறித்து போராட்டம் நடத்துவது என்பன உள்ளிட்ட 4 தீர்மானங்களை அவர்கள் நிறைவேற்றினர். மீன்பிடித் தொழிலை அமைதியாக மேற்கொள்ள வழிவகை செய்திடுமாறு முறையிட்டு, மீனவர்கள் முழக்கமிட்டனர்.
