[X] Close

சென்னை: உணவு வழங்க தாமதம் - உணவக உரிமையாளரை தாக்கியதாக 3 பேர் கைது

குற்றம்

Chennai-3-arrested-for-assaulting-restaurant-owner

குடிபோதையில் உணவக உரிமையாளர் உட்பட 3 பேரை தாக்கியதாக மூவரை போலீசார் கைது செய்தனர்.

சென்னை திருவல்லிக்கேணி நடேசன் சாலையை சேர்ந்தவர் தேவராஜ் (42). இவர் பெரியமேடு ஈவிஆர் சாலையில் சொந்தமான உணவகம் நடத்தி வருகிறார். இந்த நிலையில் நேற்றிரவு உணவகத்திற்கு குடிபோதையில் வந்த நான்கு பேர் உணவு ஆர்டர் செய்துள்ளனர்.

இந்நிலையில் உணவு கொண்டு வர சிறிது நேரம் தாமதமானதால் கோபமடைந்த நான்கு பேரும் ஹோட்டல் ஊழியரை தகாத வார்த்தைகளால் பேசியுள்ளனர். இதனை கண்ட உணவக உரிமையாளர் தேவராஜ் அவர்களை தட்டிக்கேட்டுள்ளார். அப்போது வாக்குவாதம் முற்றி, நான்கு பேரும் தேவராஜை சரமாரியாக தாக்கியதாக தெரிகிறது.


Advertisement

image

இதை தடுக்க வந்த நபர்களை நான்கு பேரும் இணைந்து தாக்கிவிட்டு தப்பியோடினர். காயமடைந்த தேவராஜ் ராஜீவ் காந்தி அரசு மருத்துவமனையில் சிகிச்சை பெற்று வருகிறார். இதையடுத்து தேவராஜ் பெரியமேடு காவல் நிலையத்தில் புகார் அளித்தார்.

இதற்கிடையே குடிபோதையில் அராஜகத்தில் ஈடுபட்ட மூன்று பேர், தர்பார் சிக்னல் அருகே ரகளையில் ஈடுபட்டதால் போக்குவரத்து பணியில் இருந்த காவல் துறையினர் மூன்று பேரையும் பிடித்து காவல் நிலையத்தில் ஒப்படைத்தனர். இவர்களிடம் போலீசார் நடத்திய விசாரணையில், பெரியமேடு பகுதியைச் சேர்ந்த விக்னேஷ், புளியந்தோப்பை சேர்ந்த சீனிவாசன் மற்றும் மார்டின் என்பதும், இவர்கள் குடிபோதையில் ரகளையில் ஈடுபட்டதும் தெரியவந்தது.

image

இவர்களை கைது செய்த போலீசார் தீவிர விசாரணை நடத்தி வருகின்றனர். உணவக உரிமையாளர் மற்றும் ஊழியரை தாக்கும் சிசிடிவி காட்சிகள் வெளியாகி பரபரப்பை ஏற்படுத்தியுள்ளது.

Advertisement:

Advertisement

Advertisement
[X] Close