'அரசின் சின்னங்கள் தவறாகப் பயன்படுத்தப்படுவதை தடுத்திடுக' - சென்னை உயர்நீதிமன்றம்

தேசிய மற்றும் மாநில அரசின் சின்னங்கள் தவறாக பயன்படுத்தப்படுவதை தடுக்க வேண்டுமென காவல்துறைக்கு சென்னை உயர் நீதிமன்றம் உத்தரவிட்டுள்ளது.

இது தொடர்பாக கடந்த 2014 ஆம் ஆண்டு தொடரப்பட்ட வழக்கு மீண்டும் விசாரணைக்கு வந்தது. அப்போது ஓய்வுபெற்ற பின்னரும் எம்பிக்கள், அரசு அதிகாரிகள் என கடைநிலை ஊழியர்களும் அரசின் சின்னங்களை பயன்படுத்துவதாக நீதிபதி சுட்டிக்காட்டினார். எனவே முன்னாள் எம்.பி.க்கள், அமைச்சர்கள், ஓய்வுபெற்ற நீதிபதிகள் ஆகியோர் தேசிய மற்றும் மாநில அரசின் சின்னங்களை தவறாக பயன்படுத்துவதை தடுக்க வேண்டுமென உத்தரவிட்டார்.

இதுபோன்ற செயல்பாடுகள் மீது CONSTABLE உள்ளிட்ட அனைத்து காவலர்களும் நடவடிக்கை எடுக்கும் வகையில் விதிகளை எவ்வாறு அமல்படுத்தலாம் என்பதற்கான ஆலோசனைகளை தமிழக டிஜிபியும், சென்னை மாநகர காவல் ஆணையரும் வழங்க உத்தரவிட்ட நீதிபதி, விசாரணையை ஜனவரி 3ஆம் தேதிக்கு ஒத்திவைத்தார்.