[X] Close

தோனி போன்ற வீரர்களுக்கு இது உதவும்: கோலி

Long-streak-of-ODI-s-will-help-Dhoni--Kohli

தோனி போன்ற டெஸ்ட் போட்டிகளில் விளையாடாத வீரர்களுக்கு, தொடர்ச்சியாக நடைபெற இருக்கும் ஒரு நாள் தொடர்கள் சிறப்பானதாக அமையும் என இந்திய கிரிக்கெட் கேப்டன் விராத் கோலி கூறினார்.

இந்தியா - இலங்கை அணிகள் இடையிலான இரண்டாவது ஒருநாள் கிரிக்கெட் போட்டி பல்லேகலேவில் இன்று நடைபெறவுள்ளது. 5 போட்டிகள் கொண்ட தொடரின் முதல் போட்டியில் இந்திய அணி, 9 விக்கெட் வித்தியாசத்தில் வெற்றி பெற்று முன்னிலையில் உள்ளது. இந்தியா அணிக்கு எதிரான தொடரில், குறைந்தது இரண்டு போட்டிகளில் வெற்றி பெற்றால் மட்டுமே, 2019ஆம் ஆண்டு நடைபெறவுள்ள உலகக்கோப்பை தொடருக்கு நேரடியாகத் தகுதி பெற முடியும் என்ற நெருக்கடி இலங்கை அணிக்கு உள்ளது. இதனால் இன்றைய போட்டி, ரசிகர்களிடம் மிகுந்த எதிர்பார்ப்பை ஏற்படுத்தியுள்ளது.

இந்த போட்டி குறித்து இந்திய கேப்டன் விராத் கோலி கூறும்போது, ‘அணியில் வீரர்களின் பயன்பாடு மற்றும் வீரர்கள், உலக கோப்பை போட்டிக்கான அணிக்கு தயாராவது ஆகியவற்றை நிர்ணயிக்கக்கூடிய வாய்ப்பாக வரும் போட்டிகள் மற்றும் தொடர்கள் (ஆஸ்திரேலியா, நியூசிலாந்து தொடர்கள்) அமையும். கடந்த வருடம் ஒரு நாள் போட்டிகளில் இந்திய அணி அதிமாக விளையாடவில்லை. இப்போது தொடர்ச்சியாக பல போட்டிகள் நடக்க இருப்பது டெஸ்ட்டில் விளையாடாத மற்ற வீரர்களுக்கு உத்வேகத்தை பெற உதவியாக இருக்கும். தோனி போன்ற டெஸ்ட் போட்டிகளில் விளையாட வீரர்களுக்கு இது உதவிகரமாக இருக்கும். பேட்டிங் மற்றும் பீல்டிங்கில் அக்‌ஷர் பட்டேல் சிறப்பாக செயல்படுவதால் குல்தீப் யாதவை விட அவருக்கு அணியில் முன்னுரிமை அளிக்கப்படுகிறது’ என்றார்.


Advertisement
Advertisement:

Advertisement

Advertisement
[X] Close