Published : 15,Nov 2021 07:26 AM

கன்னியாகுமரி மாவட்டத்தில் முதல்வர் மு.க.ஸ்டாலின் இன்று நேரில் ஆய்வு

Chief-Minister-MK-Stalin-today-conducted-a-direct-inspection-in-the-Kanyakumari-district-affected-by-heavy-rains
கனமழை வெள்ளத்தால் பாதிக்கப்பட்டுள்ள கன்னியாகுமரி மாவட்டத்தில் முதலமைச்சர் மு.க.ஸ்டாலின் இன்று நேரடியாக ஆய்வு நடத்துகிறார்.
 
பருவமழையின் தீவிரம் காரணமாக, கன்னியாகுமரி மாவட்டத்தின் பல்வேறு பகுதிகள் கடுமையான பாதிப்புகளைச் சந்தித்து வருகின்றன. அம்மாவட்டத்தில் அதி கனமழை நீடிக்கும் என்று சிவப்பு எச்சரிக்கையும் விடுக்கப்பட்டுள்ளது. இந்நிலையில், கன்னியாகுமரி மாவட்டத்தில் பாதிப்புகளை பார்வையிட முதலமைச்சர் மு.க.ஸ்டாலின், நேரில் செல்கிறார். சென்னையிலிருந்து விமானம் மூலம் தூத்துக்குடி செல்லும் முதலமைச்சர், சாலை வழியே கன்னியாகுமரி மாவட்டத்துக்கு செல்கிறார்.
 
image
இதனிடையே, கன்னியாகுமரி மாவட்டத்தில் எடுக்கப்பட வேண்டிய முன்னெச்சரிக்கை நடவடிக்கைகள், நிவாரண முகாம்கள், தேசிய மற்றும் மாநில பேரிடர் மீட்புப் படையின் தேவைகள் உள்ளிட்ட அம்சங்கள் குறித்து, தலைமைச் செயலகத்தில் மு.க.ஸ்டாலின் ஆலோசனை நடத்தினார். கூட்டத்தில், மக்களை பாதுகாக்க உரிய நடவடிக்கை மேற்கொள்ள அமைச்சர்களுக்கு முதலமைச்சர் மு.க.ஸ்டாலின் உத்தரவிட்டார். முன்னதாக சென்னையில் பல்வேறு பகுதிகளை ஆய்வுசெய்த பின் செய்தியாளர்களிடம் பேசிய அவர், மழை பாதிப்பு குறித்து அமைச்சர்கள் அளிக்கும் அறிக்கையின் அடிப்படையில் அடுத்தகட்ட நடவடிக்கைகள் இருக்கும் என்று கூறினார்.
 
 

சற்று முன்



எடிட்டர் சாய்ஸ்