இது புதுசு! பறக்கும் ஹோவர்பைக் வடிவமைப்பு.. ஜப்பானின் ஸ்டார்ட்-அப் நிறுவனம் அசத்தல்

மனிதர்கள் இறக்கையின்றி ஆகாயத்தில் பறக்க உதவுகிறது ஜப்பான் நாட்டின் ஸ்டார்ட்-அப் நிறுவனமான A.L.I. டெக்னாலஜிஸின் ஹோவர்பைக். ஹாலிவுட் படத்தில் வருவது போல இந்த பைக் அப்படியே கெத்தாக ஆகாயத்தில் பறப்பதை பார்க்கவே அற்புதமாக உள்ளது. 

‘Xடூரிஸ்மோ லிமிடெட் எடிஷன்' என்ற இந்த ஹோவர்பைக்கின் விலை இந்திய ரூபாய் மதிப்பு 5.09 கோடி. மணிக்கு 62 மைல் வேகத்தில் பறக்கும் இந்த ஹோவர்பைக்கை 40 நிமிடங்களுக்கு தொடர்ச்சியாக பயன்படுத்த முடியும். இதனை வடிவமைக்கும் பணியை கடந்த 2017-இல் தொடங்கியுள்ளது A.L.I. டெக்னாலஜிஸிஸ். 

“புதுவிதமான வாகனங்களை இயக்க விரும்பும் மக்களுக்காக இதை வடிவமைத்துள்ளோம். மேலும் பேரிடர் நேரங்களில் இதை மீட்பு பணிகளுக்கு பயன்படுத்த வேண்டுமென்ற நோக்கிலும் வடிவமைத்துள்ளோம். அதே போல போக்குவரத்து வசதி மிகவும் சவாலாக உள்ள பகுதிகளை சேர்ந்த மக்களுக்கு பயன்பட வேண்டுமென்ற நோக்கத்திலும் இதை வடிவமைத்துள்ளோம்” இதன் வடிவமைப்பு நிறுவனம் விளக்கம் கொடுத்துள்ளது. 

இந்த வாகனத்திற்கான ஆர்டரை அக்டோபர் 26 முதல் பெற்று வருவதாக தெரிவிக்கப்பட்டுள்ளது. இந்த வாகனம் வரும் 2022-ஆம் ஆண்டில் முதல் ஆறு மாத காலத்திற்குள் டெலிவரிக்கு கிடைக்கும் எனவும் தெரிவிக்கப்பட்டுள்ளது.