Published : 23,Oct 2021 08:48 PM
டி20 உலகக் கோப்பை: மோசமான ஆட்டத்தை வெளிப்படுத்திய வெஸ்ட் இண்டீஸ் 55 ரன்னுக்கு ஆல் அவுட்
டி20 உலகக் கோப்பையில் இங்கிலாந்துக்கு எதிராக இன்று நடைபெற்றப் போட்டியில் வெஸ்ட் இண்டீஸ் அணி 55 ரன்களுக்கு ஆட்டமிழந்து அதிர்ச்சியளித்தது.
துபாயில் நடைபெற்று வரும் இன்றையப் போட்டியில் முதலில் டாஸ் வென்ற இங்கிலாந்து அணி பந்துவீச்சை தேர்வு செய்தது. இதனையடுத்து முதலில் பேட்டிங் செய்ய களமிறங்கிய வெஸ்ட் இண்டீஸ் பேட்ஸ்மேன்கள் மோசமான ஆட்டத்தை வெளிப்படுத்தினர். தொடக்க வீரர்கள் சிம்மன்ஸ், எவின் லீவிஸ் சொற்ப ரன்களில் ஆட்டமிழந்தனர். பின்பு அடுத்தடுத்து வந்த ஹெட்மயர், பிராவோ, பூரண், பொல்லாப்ட், ரசல் ஆகியோர் ஒற்றை இலக்க ரன்களுடன் பெவிலியனுக்கு நடையைகட்டினர்.
வெஸ்ட் இண்டீஸ் அணியில் அதிகபட்சமாக கிறிஸ் கெயில் மட்டுமே 13 ரன்களை சேர்த்தார். இதனையடுத்து வெஸ்ட் இண்டீஸ் அணி 14.2 ஓவரில் 55 ரன்களுக்கு ஆட்டமிழந்தது. இங்கிலாந்து தரப்பில் அடில் ரஷீத் 4 விக்கெட்டையும், மொயின் அலி, டைமல் மில்ஸ் ஆகியோர் தலா 2 விக்கெட்டுகளையும் கைப்பற்றினர். இப்போது எளிதான இலக்கை எட்டி வெற்றிப்பெற இங்கிலாந்து பேட்ஸ்மேன்கள் களமிறங்கியுன்னர்.
