[X] Close

அணிகள் இணைப்பிற்கான அறிவிப்பாக மாறிவிடக்கூடாது: தினகரன் ஆதரவாளர் புகழேந்தி

Teams-should-not-be-changed-into-the-announcement--Dinakaran-s-supporter-praises

டிடிவி தினகரன் கோரிக்கைக்கு ஏற்ப அரசு விசாரணை ஆணையம் அமைக்க உத்தரவிட்டுள்ளது எனக் கருதுவதாக கர்நாடக மாநில அதிமுக செயலாளரும், டிடிவி தினகரன் ஆதரவாளருமான புகழேந்தி தெரிவித்துள்ளார்.

இதுகுறித்து கருத்துத் தெரிவித்துள்ள அவர், ‘நாங்கள் இந்த அறிவிப்பை வரவேற்கிறோம். மேலூர் கூட்டத்திலே அதிமுக துணைப்பொதுச்செயலாளர் டிடிவி தினகரன் ஜெயலலிதா மரணம் குறித்து விசாரணைக்கமிஷன் அமைக்க வேண்டும் என வலியுறுத்தினார். அதனைத் தொடர்ந்தே இந்த அறிவிப்பை முதல்வர் வெளியிட்டுள்ளதாக தெரிகிறது. 

ஜெயலலிதா இறந்த பின்னால் தமிழகத்தில் குக்கிராமங்களில் கூட மக்கள் இதில் ஏதோ மர்மம் இருக்குமோ என்கின்ற ஐயப்பாட்டை எழுப்பி பலரும் இன்னுமும் கேள்விக்குறியாக்கிக் கொண்டிருக்கிறார்கள். சிலர் வேண்டும் என்றே பொதுச்செயலாளர் சசிகலா மீதே பழியைப்போட்டார்கள். ஆனால் எங்களுடைய நிலைப்பாடெல்லாம் ஒரு நீதிபதி போதுமா? என்பதுதான். இப்போது அமர்வு நீதிபதிகளாக இருக்கக் கூடிய இன்னும் இரு நீதிபதிகளைக்கூட சேர்த்து ஒரு கமிஷனை அமைக்கலாம். விசாரணை துரிதமாக அமைய வேண்டும். வேகமாக மக்கள் அறிவதற்கு இது உதவும். இந்த அறிவிப்பை அறிவித்து விட்டு இன்னும் இரு நாட்களில் இரு அணிகளும் இணைந்தால் இது அணிகள் இணைப்பிற்காக நடத்தப்பட்ட கண்துடைப்பு அறிவிப்பாக மாறிவிடும். ஆகையால் இது மக்களுக்கான அறிவிப்பாக இருக்க வேண்டும்’ என தெரிவித்தார். 


Advertisement
Advertisement:

Advertisement

Advertisement
[X] Close