[X] Close

வழக்கு தொடர்பான ஆவணங்களை ஏ4 தாள்களில் தாக்கல் செய்ய சென்னை உயர்நீதிமன்றம் உத்தரவு

தமிழ்நாடு

The-order-of-the-madras-High-Court-to-use-only-A4-size-white-paper-when-filing-documents-related-to-the-case-has-been-published-in-the-Gazette
வழக்கு தொடர்பான ஆவணங்களை தாக்கல் செய்யும்போது ஏ4 அளவிலான வெள்ளை காகிதங்களை மட்டுமே பயன்படுத்த வேண்டுமென்ற சென்னை உயர்நீதிமன்றத்தின் ஆணை அரசிதழில் வெளியிடப்பட்டுள்ளது.
 
நீதிமன்றங்களில் வழக்கு தொடர்பான ஆவணங்களை தாக்கல் செய்யும் நடைமுறைகள் தொடர்பாக உரிமையியல் நடைமுறை விதிகளில் சென்னை உயர்நீதிமன்றம் அவ்வப்போது மாற்றங்களை செய்து வருகிறது. தற்போது தமிழகம் மற்றும் புதுச்சேரியில் உள்ள கீழமை நீதிமன்றங்கள் முதல் சென்னை உயர் வரையிலான அனைத்து நீதிமன்றங்களிலும் தாக்கல் செய்யப்படும் ஆவணங்கள் லீகல் அளவிலான பச்சை நிற காகிதத்திலும், அதன் நகல்கள் அதே அளவிலான வெள்ளை நிற காகிதத்திலும் தாக்கல் செய்யப்படுகின்றன.
 
image
இந்த காகிததத்தின் அளவை மாற்றி சென்னை உயர்நீதிமன்ற தலைமை பதிவாளர் பி.தனபால் செப்டம்பர் 22ஆம் தேதி அறிவிப்பாணையை வெளியிட்டார். நீதிமன்றங்களில் தாக்கல் செய்யப்படும் ஆவணங்கள் அனைத்தும் 75 ஜி.எஸ்.எம். தரத்திற்கு குறையாத ஏ4 அளவிலான வெள்ளை நிற தாளில் மட்டுமே தாக்கல் செய்ய வேண்டும் என அறிவிப்பாணையில் குறிப்பிடப்பட்டிருந்தது. சிவில் வழக்குகள் தாக்கல் செய்யப்படும்போது, அதற்கான கட்டணத்திற்கான முத்திரைத்தாள் தவிர கூடுதலாக வைக்கப்படும் காகிதங்களும் ஏ4 அளவில் மட்டுமே இருக்க வேண்டுமெனவும் அறிவிப்பில் கூறப்பட்டுள்ளது. எழுத்து, அச்சு, பிரதி என எந்த வடிவில் தாக்கல் செய்தாலும், இந்த புதிய விதிகளை பின்பற்றும்படி அறிவுறுத்தப்பட்டுள்ளது. தலைமைப் பதிவாளர் வெளியிட்ட அறிவிப்பாணை தமிழக அரசின் அரசிதழில் வெளியிடப்பட்டுள்ளது.
 

Advertisement

Advertisement
[X] Close