ஷமி ஸ்பெஷல் பவுலர்: புகழ்கிறார் கோலி

உலகின் டாப் 3 வேகப்பந்து வீச்சாளர்களில் முகமது ‌ஷமியும் ஒருவர் என்று இந்திய கிரிக்கெட் அணி கேப்டன் விராத் கோலி கூறினார்.

இலங்கை அணிக்கு எதிரான மூன்றாவது மற்றும் கடைசி டெஸ்ட் கிரிக்கெட் போட்டியில் இன்னிங்ஸ் மற்றும் 171 ரன்கள் வித்தியாசத்தில் இந்திய அணி அபார வெற்றி பெற்றது. இதன்மூலம் வெளிநாட்டில் நடைபெற்ற தொடர் ஒன்றில் முதன்முறையாக அனைத்து போட்டிகளிலும் வென்று இந்திய அணி சாதித்தது. 

இந்தப் போட்டியில் முகமது ஷமியின் பந்துவீச்சை கேப்டன் விராத் கோலி புகழ்ந்துள்ளார். அவர் கூறும்போது, ’உலகின் டாப் 3 வேகப்பந்து வீச்சாளர்களில் முகமது ‌ஷமியும் ஒருவர் என்பது என் கணிப்பு. ஏனென்றால் விக்கெட் எடுக்கும் திறமை அவரிடம் அபாரமாக இருக்கிறது. அவரது பந்துவீச்சில் பேட்ஸ்மேன்கள் திணறுவது உண்மை. அவர் சாதாரணமாக பந்து வீசுவது அல்ல. அவர் எங்களின் மதிப்பு மிக்க பந்து வீச்சாளர். அவர் பந்துவீச்சை பார்ப்பதில் எங்களுக்கு அவ்வளவு மகிழ்ச்சியாக இருக்கும். நாங்கள் ஃபீல்டில் இருந்து அதை ரசித்துக்கொண்டிருப்போம். அவர் ஸ்பெஷல் பவுலர்’ என்று புகழ்ந்தார்.