”சமந்தாவுடன் நடிக்க விரும்புகிறேன்”: பாலிவுட் நடிகர் ஷாகித் கபூர்

நடிகை சமந்தாவுடன் நடிக்க விருப்பம் தெரிவித்துள்ளார் பாலிவுட் நடிகர் ஷாகித் கபூர்.

தென்னிந்திய முன்னணி நடிகைகளில் ஒருவரான சமந்தா திருமணத்திற்குப் பிறகும் நடிப்பில் கவனம் செலுத்தி வருகிறார். சமீபத்தில் அவர் நடித்த ‘தி ஃபேமிலி மேன் 2’ வெப் சீரிஸில் ஈழப்பெண் ராஜியாக நடித்து கவனம் ஈர்த்தார். அவர் நடிப்பில் விரைவில் ‘காத்துவாக்குல ரெண்டு காதல்’, ’சகுந்தலம்’ உள்ளிட்டப் படங்கள் வெளியாகவிருக்கின்றன.

இந்த நிலையில், பாலிவுட் முன்னணி நடிகர் ஷாகித் கபூர் சமந்தாவுடன் நடிக்க விருப்பம் தெரிவித்திருக்கிறார்.

தனது ட்விட்டரில் ரசிகர்களுடனான கேள்வி பதிலின்போது ரசிகர் ஒருவர் ”‘தி ஃபேமிலிமேன் 2’ வில் சமந்தாவின் நடிப்பைப் பற்றிக்கூறுங்கள்” என்று கேட்டதற்கு “சமந்தாவின் நடிப்பை முழுமையாக நேசித்தேன். சமந்தாவுடன் நடிக்க விரும்புகிறேன்” என்று உற்சாகமுடன் பதிலளித்துள்ளார்.