[X] Close

நேற்றைவிட கணிசமாக குறைந்த பாதிப்பு: இந்தியாவில் ஒரேநாளில் 34,973 பேருக்கு கொரோனா

கொரோனா வைரஸ்

India-reports-34973-fresh-COVID19-case
இந்தியாவில் கடந்த 24 மணி நேரத்தில் புதிதாக 34,973 பேருக்கு கொரோனா தொற்று உறுதி செய்யப்பட்டுள்ளது. நேற்றைய பாதிப்பு 43,263 ஆக இருந்தது.
 
இந்தியாவில் கொரோனா 2-வது அலை பரவல் கணிசமாக குறைந்து வந்தது. ஆனால், கடந்த சில நாட்களாக கொரோனா பாதிப்பு ஏற்றம் இறக்கம் கண்டு வருகிறது. இந்த நிலையில், இந்தியாவில் கடந்த 24 மணி நேரத்தில் புதிதாக 34,973 பேருக்கு தொற்று பாதிப்பு உறுதியாகி உள்ளது. இதில் 26,200 பேர் கேரளா மாநிலத்தைச் சேர்ந்தவர்கள்.
 
நாடு முழுவதும் கொரோனா பாதிப்புக்கு ஒரே நாளில் 260 பேர் உயிரிழந்துள்ளனர். இதன்மூலம் உயிரிழந்தோர் மொத்த எண்ணிக்கை 4,42,009 ஆக உயர்ந்துள்ளது. கடந்த 24 மணி நேரத்தில் கொரோனா பாதிப்பில் இருந்து 37,681 பேர் குணமடைந்துள்ளனர். இதனால், குணமடைந்தவர்களின் மொத்த எண்ணிக்கை 3,23,42,299 ஆக உயர்ந்துள்ளது. மேலும் நாடு முழுவதும் கொரோனா தொற்றுக்கு தற்போது 3,90,646 பேர் சிகிச்சை பெற்று வருகின்றனர்.
 

Advertisement

Advertisement
[X] Close