Published : 07,Sep 2021 07:03 PM

ஹரி - அருண் விஜய் இணையும் படத்தின் தலைப்பு, ஃபர்ஸ்ட் லுக் வெளியீட்டு தேதி அறிவிப்பு

Actor-Arun-vijay-AV33-first-look-to-release-on-September-9-th

ஹரி - அருண் விஜய் இணைந்துள்ள ‘அருண் விஜய் 33’ படத்தின் ஃபர்ஸ்ட் லுக் வெளியீட்டுத் தேதியை அறிவித்திருக்கிறது படக்குழு.

இயக்குநர் ஹரியும் அருண் விஜய்யும் முதன்முறையாக ‘அருண் விஜய் 33’ படத்தில் இணைந்துள்ளனர். யோகி பாபு, சினேகன், ராதிகா,கங்கை அமரன் உள்ளிட்டோர் முக்கிய கதாபாத்திரங்களில் நடிக்கின்றனர். அருண் விஜய்க்கு அண்ணனாக சமுத்திரகனி நடிக்கிறார். வில்லனாக ‘கேஜிஎஃப்’ புகழ் கருடா ராம் நடிக்கிறார். ஜி.வி பிரகாஷ் இசையமைக்கிறார்.

image

கொரோனா இரண்டாவது அலைக்கு முன்பு கடந்த மார்ச் மாதம் தொடங்கிய, இப்படத்தின் படப்பிடிப்பு ஊரடங்கால் தடைப்பட்டுப் போனது. இந்த நிலையில், தற்போது அரசு படப்பிடிப்பு நடத்த அனுமதி அளித்துள்ளதால் மீண்டும் கடந்த ஜூலை 28 ஆம் தேதிமுதல் ராமேஸ்வரம், தூத்துக்குடி, காரைக்குடி, பழனி உள்ளிட்ட பகுதிகளில் தொடர்ச்சியாக படப்பிடிப்பு நடைபெற்றது. தற்போது, இப்படத்தின் இறுதிக்கட்ட படப்பிடிப்பு சென்னையில் நடைபெற்று வருகிறது. இந்த நிலையில், படத்தின் தலைப்பும் ஃபர்ஸ்ட் லுக் போஸ்டரும் வரும் செப்டம்பர் 9 ஆம் தேதி வெளியாகும் என்று படக்குழு அதிகாரபூர்வமாக அறிவித்திருக்கிறது. ஹரி படத்தலைப்புகள் எப்போதும் கவனம் ஈர்க்கும் என்பதால், இப்படத்தின் தலைப்புக்கு எதிர்பார்ப்புகள் அதிகரித்துள்ளன.

சற்று முன்



எடிட்டர் சாய்ஸ்