Published : 23,Aug 2021 07:22 PM

தமிழகத்தில் இன்று 1,604 பேருக்கு கொரோனா தொற்று உறுதி

1604-tested-corona-positive-in-Tamilnadu-within-24-hours

தமிழகத்தில் ஒரேநாளில் கடந்த 24 மணிநேரத்தில் 1,604 பேருக்கு கொரோனா தொற்று உறுதி செய்யப்பட்டுள்ளது.

தமிழகத்தில் நேற்று 1,630 பேருக்கு தொற்று உறுதியாகி இருந்த நிலையில், இன்று 1,604 பேருக்கு கொரோனா தொற்று கண்டறியப்பட்டுள்ளது. 1,53,068 மாதிரிகள் பரிசோதனை செய்யப்பட்ட நிலையில் தினசரி ஒருநாள் பாதிப்பு 1,604ஆக உள்ளது. சென்னையில் நேற்று 177 பேருக்கு தொற்று உறுதி செய்யப்பட்ட நிலையில் இன்று 172 ஆக குறைந்திருக்கிறது. 12 வயதுக்குட்பட்ட 100 சிறார்களுக்கு கொரோனா பாதிப்பு உறுதியாகியுள்ளது. நேற்று 91 சிறார்களுக்கு தொற்று உறுதியான நிலையில் இன்று 100ஆக அதிகரித்திருக்கிறது.

கொரோனாவால் இன்று 25 பேர் இறந்த நிலையில் உயிரிழந்தோர் எண்ணிக்கை 34,734ஆக உயர்ந்திருக்கிறது. அரசு மருத்துவமனைகளில் 18 பேரும், தனியார் மருத்துவமனைகளில் 7 பேரும் உயிரிழந்துள்ளனர். இதில் இணைநோய்கள் இல்லாதோர் 3 பேர். 50 வயதுக்குட்பட்டோர் 3 பேர்.

தமிழகத்தில் கொரோனா சிகிச்சையில் இருப்போர் எண்ணிக்கை 18,887ஆக உள்ளது. கொரோனாவிலிருந்து 1,863 பேர் குணமடைந்த நிலையில் இதுவரை 25,48,868 பேர் டிஸ்சார்ஜ் செய்யப்பட்டுள்ளனர்.

சற்று முன்



எடிட்டர் சாய்ஸ்