ஆம்புலன்ஸை நிறுத்தி சண்டை‌: நோயாளி உயிரிழந்த பரிதாபம்

C.Egnath raj

08,Aug 2017 05:15 AM

Haryana-BJP-Leader-Accused-Of-Stalling-Ambulance--Causing-Death

ஹரியானாவில் பாரதிய ஜனதா நிர்வாகி ஒருவர் ஆம்புலன்ஸை நிறுத்தி வாக்குவாதத்தில் ஈடுபட்டதால், அதில் இருந்த நோயாளி, உரிய நேரத்தில் சிகிச்சை கிடைக்காமல் உயிரிழந்ததாக குற்றச்சாட்டு எழுந்துள்ளது.

ஹாரியானாவில் உள்ள பதேஹாபாத் நகரின் பாஜக கவுன்சிலர் தர்ஷன் நாக்பால். இவர் காரில் சென்றுகொண்டிருந்த போது, வேகமாக வந்த ஆம்புலன்ஸ் ஒன்று காரில் மோதியது. இதையடுத்து ஆம்புலன்ஸை விரட்டிச் சென்ற நாக்பால், அதை மறித்துள்ளார். பின்னர் ஆம்புலன்ஸ் சாவியை எடுத்துக்கொண்டு, டிரைவரிடம் கடும் வாக்குவாதத்தில் ஈடுபட்டார். இதனால் 30 நிமிடங்கள் தாமதமாகி நோயாளி ஆம்புலன்சிலேயே உயிரிழந்தார்.

இதையடுத்து நோயாளியின் உறவினர்கள் போலீசில் புகார் கொடுத்துள்ளனர். ஆனால், இந்த சம்பவத்தை மறுத்துள்ளார் நாக்பால்.