தமிழகம்: ஒரேநாளில் 1,908 பேருக்கு கொரோனா பாதிப்பு

தமிழ்நாட்டில் கடந்த 24 மணிநேரத்தில் 1,908 பேருக்கு கொரோனா பாதிப்பு கண்டறியப்பட்டுள்ளது.

நேற்று 1,957 பேருக்கு தொற்று கண்டறியப்பட்ட நிலையில் இன்று சற்றே குறைந்துள்ளது. தமிழகத்தில் 1,905 பேர், வெளிமாநிலங்களில் இருந்து வந்த 3 பேர் என மொத்தம் 1,908 பேர் கொரோனாவால் பாதிக்கப்பட்டுள்ளனர். சென்னையில் 27-ஆம் தேதி 139 ஆக இருந்த நிலையில் தினசரி கொரோனா பாதிப்பு தற்போது 203 ஆக அதிகரித்துள்ளது.

கொரோனாவால் பாதிக்கப்பட்டு சிகிச்சைப் பெற்று வந்தவர்களில் ஒரேநாளில் 29 பேர் சிகிச்சைப் பலனின்றி உயிரிழந்துள்ளனர். கொரோனாவால் மொத்தம் உயிரிழந்தவர்களின் எண்ணிக்கை 34,159 ஆக உயர்ந்துள்ளது. அரசு மருத்துவமனையில் 23 பேரும், தனியார் மருத்துவமனைகளில் 6 பேரும் உயிரிழந்துள்ளனர். கொரோனாவால் பாதிக்கப்பட்டவர்களில் 50 வயதுக்குட்பட்ட 5 பேர் உயிரிழந்துள்ளனர்.

இணைநோய்கள் ஏதுமில்லாதவர்கள் 7 பேர் கொரோனாவால் உயிரிழந்துள்ளனர். மேலும், கொரோனாவில் இருந்து 2,047 பேர் ஒரேநாளில் குணமடைந்துள்ளனர். 20,217 பேர் கொரோனாவுக்கு சிகிச்சைப்பெற்று வருகின்றனர்.