[X] Close

தமிழகம், புதுச்சேரியில் அடுத்த 24 மணி நேரத்தில் கனமழைக்கு வாய்ப்பு

Tamil-Nadu--Puducherry-in-the-next-24-hours-will-be-the-chance-for-heavy-rain

தமிழகம் மற்றும் புதுச்சேரியில் அடுத்த 24 மணி நேரத்தில் இடியுடன் கூடிய மழை பெய்ய வாய்ப்புள்ளதாக வானிலை ஆய்வு மையம் கூறியுள்ளது.

இதுகுறித்து வானிலை ஆய்வு மையம் வெளியிட்டுள்ள தகவலில், தமிழகம் மற்றும் புதுச்சேரியில் கனமழை பெய்ய வாய்ப்புள்ளது என்று கூறியுள்ளது.

சென்னையில் வானம் மேகமூட்டத்துடன் காணப்படும் என்றும் மாலை அல்லது இரவு நேரங்களில் மழைக்கு வாய்ப்புள்ளதாகவும் கூறப்பட்டுள்ளது. கடந்த 24 மணி நேரத்தில் அதிகபட்சமாக வந்தவாசியில் 5 செமீ மழையும் திருப்பூர் மற்றும் மன்னார்குடியில் 3 செமீ மழையும் பதிவாகியுள்ளது. தென்மேற்கு பருவமழை தென் மாநிலங்களில் சராசரியை விட குறைந்த அளவே பெய்துள்ளது.


Advertisement

இதுகுறித்து வானிலை தன்னார்வலர் ஸ்ரீகாந்த் கூறும்போது, சென்னை இந்தியாவில் ஒட்டுமொத்தமாக மழைப் பொழிவு சராசரி அளவை ஒட்டியே உள்ளது. தென் மாநிலங்களில் மழை குறைவாக பெய்துள்ளது. அணைகளில் நீர்மட்டம் குறையும் அபாயம் உள்ளது. ஆகஸ்ட், செப்டம்பர் மாதங்களில் சராசரியை விட 35% அதிக மழை பெய்தால் நல்லது. 35% அதிகமாக மழை பெய்தால் மட்டுமே சராசரி மழை அளவை ஈடு செய்ய முடியும் என்றார்.

வீடியோ

Advertisement:

Advertisement

Advertisement
[X] Close