தமிழகம்: ஒரேநாளில் 1,859 பேருக்கு கொரோனா தொற்று உறுதி

தமிழகத்தில் மேலும் 1,859 பேருக்கு கொரோனா தொற்று உறுதியாகியுள்ளது. தொடர்ந்து 69 வது நாளாக பாதிப்பு குறைவாக பதிவாகி வருகிறது. இருப்பினும் நேற்றைவிட இன்றைய பாதிப்பு 103 அதிகரித்துள்ளது. இதுவரை தமிழ்நாட்டில் தொற்று உறுதியானவர்கள் எண்ணிக்கை 25,55,664 என்றாகியுள்ளது.

கடந்த 24 மணி நேரத்தில் 1,57,074 பேருக்கு கொரோனா மாதிரிகள் சேகரிக்கப்பட்டு பரிசோதனை செய்யப்பட்ட நிலையில், அவர்களில் 1,859 பேருக்கு கொரோனா உறுதியாகியுள்ளதென சுகாதாரத்துறை தெரிவித்துள்ளது.

கடந்த 24 மணி நேரத்தில் கொரோனா பாதிப்பால் 28 பேர் உயிரிழந்திருப்பதாக சுகாதாரத்துறை தெரிவித்துள்ளது. இவர்களில் 21 பேர் அரசு மருத்துவமனையிலும், 7 பேர் தனியார் மருத்துவமனையிலும் உயிரிழந்துள்ளனர். இதுவரை தமிழ்நாட்டில் கொரோனாவால் இறந்தவர்களின் மொத்த எண்ணிக்கை 34,023 என உயர்ந்துள்ளது.