[X] Close

52 நாட்கள் இழுபறிக்கு பிறகு அமைச்சரவை பட்டியலை தயார் செய்த புதுச்சேரி அரசு

இந்தியா

Puduchery-Ministry-list-announcement

புதுச்சேரியில் தேர்தல் முடிவு வெளியாகி 52 நாட்கள் ஆகிவிட்ட நிலையில், அமைச்சரவை பட்டியலை துணைநிலை ஆளுநர் தமிழிசையிடம் இன்றுதான் அம்மாநில முதலமைச்சர் ரங்கசாமி வழங்கியுள்ளார். இதையடுத்து அமைச்சரவை நாளை பதவியேற்கக்கூடும் எனத் தகவல் வெளியாகி உள்ளது.


Advertisement

கடந்த மே 7 ஆம்தேதி புதுச்சேரி முதலமைச்சராக என்.ரங்கசாமி பதவியேற்றநிலையில், அமைச்சரவை பங்கீட்டில், பாஜக - என்.ஆர்.காங்கிரஸ் இடையே ஏற்பட்டு வந்த இழுபறி காரணமாக இதுவரை அமைச்சரவை பதவியேற்கவில்லை.

50 நாட்களுக்குப் பிறகு அமைச்சர்கள் பட்டியலை வழங்கிய புதுச்சேரி முதல்வர் |  Rangasamy met with Tamilisai - hindutamil.in


Advertisement

இந்நிலையில், புதுச்சேரி துணைநிலை ஆளுநர் தமிழிசை செளந்தரராஜனை இன்று காலை சந்தித்த முதலமைச்சர் ரங்கசாமி, அமைச்சரவை பட்டியலை அவரிடம் அளித்தார். இதனால் கடந்த 52 நாட்களுக்கு மேல் நீடித்து வந்த இழுபறி முடிவுக்கு வந்தது. பாஜகவுக்கு 2 அமைச்சர்களும், என்ஆர் காங்கிரசுக்கு 3 அமைச்சர்களும் என இந்த பட்டியலை அவர் வழங்கியுள்ளார். இதற்கு மத்திய அரசு ஒப்புதல் அளித்த பின்னர், நாளை அல்லது வரும் 27 ஆம்தேதி அமைச்சர்கள் பதவியேற்கக் கூடும் எனத்தகவல் வெளியாகி உள்ளது.

முதல்வர் ரங்கசாமி வழங்கிய அமைச்சர்கள் பட்டியலில் 5 அமைச்சர்களில் பாஜக சார்பில் முன்னாள் அமைச்சர் நமச்சிவாயம், ஊசுடு எம்.எல்.ஏ சாய் சரவணன் பெயர்கள் இடம்பெற்றுள்ளதாக தகவல் வெளியாகியுள்ளது. மீதமுள்ள 3 என்.ஆர்.காங்கிரஸ் கட்சியை சேர்ந்த அமைச்சர்களில் லெட்சுமிநாராயணன், தேனீஜெயக்குமார், லெட்சுமிகாந்தன், திருமுருகன், ராஜவேலு, சந்திரபிரியங்கா ஆகியோரில் மூவருக்கு வாய்ப்பு உள்ளதாக தெரிகின்றது.


Advertisement

Advertisement
[X] Close