இனியும் பொறுக்க மாட்டேன்; எந்த எதிர்ப்பு வந்தாலும் உங்களுடன் நிற்பேன்: சசிகலா பேசிய ஆடியோ

தேர்தலில் அதிமுக வெற்றி பெற வேண்டும் என்பதலாலும் அம்மா ஆட்சி தமிழகத்தில் வரவேண்டும் என்பதற்காகவே தேர்தலிலிருந்து விலகி நின்றேன் என சசிகலா தெரிவித்துள்ளார்.

சிவகங்கை மாவட்ட புரட்சிதலைவி அம்மா பேரவை துணை செயலாளர் பூவந்தி சரவணனிடம் சசிகலா பேசிய ஆடியோ வெளியாகியுள்ளது. அதில், “தேர்தலில் அதிமுக வெற்றி பெற வேண்டும் என்பதலாலும் அம்மா ஆட்சி தமிழகத்தில வரவேண்டும் என்பதற்காகவே தேர்தலிலிருந்து விலகி நின்றேன். ஆனால் அதனை அவர்கள் செய்ய முடியவில்லை. இனியும் பொறுக்க மாட்டேன். கோடான கோடி தொண்டர்களை பணம் கொடுத்து விலைக்கு வாங்க முடியாது. தலைவர்கள் காலத்து ஆட்களை கூட ஓபிஎஸ், இபிஎஸ் புறக்கணிக்கிறார்கள்” என சசிகலா பேசியுள்ளார்.

மேலும், “அதிமுகவில்கட்சி நலனை பார்க்கவில்லை. சொந்த நலனையே பார்க்கிறார்கள். எந்த எதிர்ப்பு வந்தாலும் நான் உங்களிடம் நிற்பேன்” எனவும் சசிகலா தெரிவிக்கிறார்.