[X] Close

மேட்டூர் அணையை திறந்த முதல் திமுக முதல்வர் மு.க.ஸ்டாலின்!

விவசாயம்,வீடியோ ஸ்டோரி

குறுவை சாகுபடி பாசனத்திற்காக மேட்டூர் அணையை திறந்து வைத்த முதல்வர் மு.க.ஸ்டாலின், '5.21 லட்சம் ஏக்கர் விவசாய நிலங்கள் பாசன வசதி பெறும்' என்று தெரிவித்தார்.


Advertisement

ஆண்டுதோறும் குறுவை சாகுபடிக்கு ஜூன் 12 ஆம் தேதி மேட்டூர் அணையில் இருந்து தண்ணீர் திறக்கப்படுவது வழக்கம். மேட்டூர் அணையில் இருந்து திறக்கப்படும் தண்ணீர் மூலம் 5.21 லட்சம் ஏக்கர் விளைநிலம் பாசனவசதி பெறுகிறது.

இந்த நிலையில், மேட்டூர் அணையை ஆய்வு மேற்கொண்ட முதல்வர் மு.க.ஸ்டாலின், பாசனத்திற்காக தண்ணீரை திறந்து வைத்து, காவிரியாற்றில் மலர் தூவினார்.


Advertisement

image

முதல் கட்டமாக, விநாடிக்கு 3 ஆயிரம் கன அடி முதல் 10 ஆயிரம் கன அடி வரை அணையில் இருந்து தண்ணீர் திறக்கப்படுகிறது. இதனால் திருவாரூர், தஞ்சை,புதுக்கோட்டை, நாகை உள்ளிட்ட மாவட்ட விவசாயிகள் மகிழ்ச்சி அடைந்ததுள்ளனர்.

மேட்டூர் அணையை திறந்த முதல் திமுக முதல்வர் என்ற பெருமையை முதல்வர் மு.க.ஸ்டாலின் பெற்றுள்ளார். இதுவரை அமைச்சர் மட்டுமே அணையை திறந்து வந்த நிலையில், எடப்பாடி பழனிசாமி முதல்வரான பிறகு இவ்வழக்கம் மாறியது குறிப்பிடத்தக்கது


Advertisement

Advertisement

Advertisement
[X] Close