[X] Close

சென்னை: முகக்கவசம் அணியாததற்கு அபதாரம்; காவலர்களை ஒருமையில் பேசிய பெண் வழக்கறிஞர்

தமிழ்நாடு,வீடியோ ஸ்டோரி

முகக்கவசம் அணியாமல் சென்ற மகளுக்கு அபராதம் விதித்ததால் பெண் வழக்கறிஞர் ஒருவர் காவல்துறையினரை ஒருமையில் பேசிய வீடியோ வெளியாகி அதிர்ச்சியை ஏற்படுத்தியுள்ளது.

சென்னை சேத்துப்பட்டு சிக்னலில் முகக் கவசம் அணியாமல் காரில் சென்ற பெண்ணை தடுத்து நிறுத்தி காவல்துறையினர் 500 ரூபாய் அபராதம் விதித்தனர். இதையறிந்த அந்த பெண்ணின் தாயார் மற்றொரு சொகுசு காரில் சம்பவ இடத்திற்கு வந்து, காவல்துறையினரை கடுமையாக பேசினார். தான் ஒரு வழக்கறிஞர் எனக் கூறி வாக்குவாதத்தில் ஈடுபட்ட அந்த பெண், முகக் கவசம் அணிய முடியாது, அபராதம் கட்ட இயலாது எனக் கூறி ஒருமையில் பேசியுள்ளார்.

இந்த வீடியோ காட்சிகள் வலைதளத்தில் வைரலானதை அடுத்து, சேத்துப்பட்டு காவல்துறையினர் விசாரணை நடத்தி வருகின்றனர்.


Advertisement

Advertisement

Advertisement
[X] Close