பெண்களின் கூந்தல் மர்மமான முறையில் துண்டிப்பு

ஹரியானாவில் சில வாரங்களாக பெண்களின் கூந்தல் மர்மமான முறையில் துண்டிக்கப்பட்டு வருவது தொடர்கதையாகி வருகிறது.

ஹரியானா மாநிலம் மேவாட் பகுதியில் வசிக்கும் பெண்களின் கூந்தல் மட்டும் மர்மமான முறையில் வெட்டப்பட்டு வருவதாக குற்றச்சாட்டு எழுந்துள்ளது. கூந்தல் துண்டிக்கப்படும்போது பெண்கள் தங்கள் நினைவுகளை இழப்பதாக அப்பகுதி பெண்கள் கூறுகின்றனர். இதுவரை 15-க்கும் மேற்பட்ட பெண்கள் தங்கள் கூந்தல் திருடப்பட்டதாக புகார் அளித்துள்ளனர்.

குர்கானில், கடந்த வெள்ளிகிழமை மாலை சுனிதா என்ற பெண் சமையல் செய்து கொண்டிருக்கும்போது அவரது வீட்டின் முன் 60 வயது மதிக்கத்தக்க முதியவர் நின்று கொண்டிருந்தார். அவரை அங்கிருந்து செல்லுப்படி அந்த பெண் கூறியுள்ளார். அதன்பின் சற்று நேரம் அவர் தன் சுயநினைவை இழந்ததாகவும் விழித்து பார்த்தப்போது தான் தரையில் விழுந்து கிடந்ததாகவும், தனது முடி வெட்டப்பட்டு இருந்ததாகவும் கூறியுள்ளார். பெண்களின் கூந்தலை துண்டிப்பது யார் என போலீசார் விசாரணை நடத்தி வருகின்றனர்.