[X] Close

மைசூரு தசரா விழா: ரெடியாகிறார் ‘அர்ஜுனா’

Mysore-Dasara-September-21-to-September-29

உலகப்புகழ் பெற்ற விழாக்களில் ஒன்று, மைசூர் தசரா திருவிழா. ஒவ்வொரு ஆண்டும் இவ்விழா அக்டோபர் மாதம் நடப்பது வழக்கம். ஆனால் இந்த ஆண்டு ஒரு மாதத்திற்கு முன்னதாக, செப்டம்பர் 21-ல் நடக்க உள்ளதாக கர்நாடக அரசு அறிவித்துள்ளது.


Advertisement

தசரா விழாவின் போது மைசூரு அரண்மனையில் இருந்து 5 கிலோ மீட்டர் தூரம் உள்ள மண்டபம் வரை ஜம்போ சவாரி ஊர்வலம் நடைபெறும். இதில் 750 கிலோ எடை கொண்ட தங்க அம்பாரியை சுமந்தபடி அர்ஜூனா யானை கம்பீரமாக வலம் வருவதை பார்க்க அழகாக இருக்கும். அந்த யானையுடன் 6 யானைகளும் வலம் வரும். இந்த ஆண்டு நடக்க உள்ள தசரா விழாவுக்கு அர்ஜூனா உள்பட 7 யானைகளும் ஆகஸ்ட் 2 வது வாரத்தில் காப்பகத்தில் இருந்து மைசூருக்கு அழைத்து வரப்பட உள்ளன. 

இதுகுறித்து நாகரஒளே வனத்துறை அதிகாரி ஜெகதீஷ் கூறும்போது, ‘இந்த ஆண்டு தசரா விழாவின்போது ஜம்போ சவாரி ஊர்வலத்தில் புதிதாக 3 யானைகள் கலந்து கொள்கின்றன. ஏற்கனவே தசரா விழாவில் கலந்து கொள்ளும் அர்ஜூனா உள்பட 7 யானைகளும், புதிதாக கலந்து கொள்ள உள்ள 3 யானைகளும் கபினி அணையின் நீர்த்தேக்கப் பகுதியில் தினமும் குளிப்பாட்டப்பட்டு வருகிறது. அவற்றுக்கு சத்தான உணவுகளும் வழங்கப்படுகின்றன’ என்றார். 


Advertisement

Advertisement

Advertisement
[X] Close