Published : 30,Jul 2017 01:59 AM

வாழ்க்கையில எது வேணாலும் நடக்கும்: கோலி

Good-to-get-back-into-the-groove--kohli

இலங்கைக்கு எதிரான முதலாவது டெஸ்ட் போட்டியில் இந்திய கிரிக்கெட் அணி அபார வெற்றிபெற்றது.

வெற்றிக்குப்பின், கேப்டன் விராத் கோலி கூறும்போது, ‘கடந்த முறை இங்கு நடந்த டெஸ்டில் வெற்றி பெற்றிருக்க வேண்டும். அந்த தோல்வி எங்கள் மனஉறுதியை சீர்குலைப்பதாக அமைந்தது. ஆனால் இந்த முறை ஒருங்கிணைந்து நேர்த்தியான ஆட்டத்தை வெளிப்படுத்தி வெற்றி கண்டிருக்கிறோம். இருந்தாலும் சில இடங்களில் நாங்கள் ஆட்டத்தை இன்னும் மேம்படுத்த வேண்டியிருக்கிறது. அடுத்த போட்டிகளில் அதை சரி செய்வோம் என நினைக்கிறேன். இந்த போட்டியில் ஓபனிங் பேட்ஸ்மேன்கள் சிறப்பாக ஆடினர். தவான், மெல்போர்ன் செல்ல வேண்டியவர். முரளி விஜய் காயமடைந்ததால் அவரை அழைத்தோம். அவர் முதல் இன்னிங்கிஸில் 190 ரன்கள் குவித்தார். வாழ்க்கையில் என்ன வேண்டுமானாலும் நடக்கலாம் என்பதற்கு இது சாட்சி. அபினவ் முகுந்தும் சிறப்பாக ஆடியிருக்கிறார். கே.எல்.ராகுலும் சிறப்பாக விளையாடக்கூடியவர்.

இப்போது நாங்கள் அனுபவம் வாய்ந்த அணி. ஒவ்வொருவரும் பொறுப்புடன் ஆடினர். கடந்த முறை இங்கு விளையாடியதுடன் ஒப்பிடும் போது ஆடுகளம் கடினமாக இருந்தது. அதாவது பந்து வீச்சுக்கு ஒத்துழைப்பு தரவில்லை. இதனால் பந்து வீச்சாளர்கள் கடுமையாக உழைக்க வேண்டி இருந்தது. இந்த வெற்றியை சிறப்பு வாய்ந்ததாக கருதுகிறேன்’ என்றார்.

சற்று முன்



எடிட்டர் சாய்ஸ்