வெள்ள நீரில் இறங்கி பாதிப்பை ஆய்வு செய்த நாகர்கோவில் ஆணையர் ஆஷா அஜித்!

கன்னியாகுமரி மாவட்டத்தில் கடந்த ஒரு வாரத்திற்கு மேலாக தொடர்ந்து கனமழை பெய்து வருகிறது. இதன் காரணமாக மாவட்டத்தின் பல்வேறு  இடங்களிலும் தாழ்வான பகுதிகளை வெள்ளம் சூழ்ந்துள்ளது. கால்வாய்களில் வெள்ளம் கரைபுரண்டு ஓடுகின்றன. 

இந்த நிலையில் குமரி மாவட்டத்தில் தொடர் கனமழை காரணமாக வெள்ளம் சூழ்ந்த நாகர்கோவில் சக்தி காடன் பகுதியை நாகர்கோவில் மாநகராட்சி ஆணையர் ஆஷா அஜித் நேரில் பார்வையிட்டார். அப்போது அவர் வெள்ள நீரில் இறங்கி சேதத்தை ஆய்வு செய்தார். மேலும் அவர் அப்பகுதியில் சூழ்ந்துள்ள மழைநீரை வெளியேறுவதற்கான தேவையான நடவடிக்கைகளை மேற்கொள்ளவும் உத்தரவிட்டார்.