தமிழகம்: ஒரேநாளில் 34,285 பேருக்கு கொரோனா பாதிப்பு

கடந்த 24 மணி நேரத்தில் தமிழகத்தில் 34,285 பேர் புதிதாக கொரோனா நோய் தொற்றால் பாதிக்கப்பட்டுள்ளனர். சுமார் 468 பேர் சிகிச்சை பலன் அளிக்காமல் உயிரிழந்துள்ளனர். கடந்த பத்து நாட்களில் இன்று தான் உயிரிழப்பு அதிகமாக பதிவாகி உள்ளது. அதே போல 28,745 பேர் தொற்றிலிருந்து குணம் அடைந்துள்ளனர். 3,06,652 பேர் தற்போது சிகிச்சையில் உள்ளனர். 

பாதிக்கப்பட்ட 34,285 பேரில் ஐந்து பேர் வெளி மாநிலங்களை சேர்ந்தவர்கள். தலைநகர் சென்னையில் 4,041 பேர் இன்று நோய் தொற்றால் பாதிக்கப்பட்டுள்ளனர். கோவையில் இந்த எண்ணிக்கை 3,632 -ஆக உள்ளது. செங்கல்பட்டு, ஈரோடு, கன்னியாகுமரி, மதுரை, தஞ்சாவூர், திருவள்ளூர், திருப்பூர், திருச்சி, விருதுநகர் மாதிரியான மாவட்டங்களில் இன்று மட்டும் ஆயிரத்திற்கும் மேற்பட்டவர்கள் பாதிக்கப்பட்டுள்ளனர். 

19,272 ஆண்களும், 15,013 பெண்களும் இன்று நோய் தொற்றால் பாதிக்கப்பட்டுள்ளனர்.