[X] Close

ஜகமே தந்திரம் படத்தின் புதிய அப்டேட்: தனுஷ் குரலில் வெளியாகிறது வீடியோ பாடல்

சினிமா

Jagame-Thandhiram-Movie-3rd-Update--Video-Song-Released-By-Dhanush-voice

‘ஜகமே தந்திரம்’ திரைப்படத்திலிருந்து நாளை வெளியாக உள்ள ‘நேத்து’ பாடலை நடிகர் தனுஷே எழுதி பாடியிருக்கிறார்.


Advertisement

தனுஷ் நடித்துள்ள ஜகமே தந்திரம் திரைப்படத்திலிருந்து ‘நேத்து’ என்ற பாடல் நாளை வெளியாக உள்ளதாக அறிவிக்கப்பட்டது. இந்த வீடியோ பாடல் நாளை காலை 11 மணியளவில் வெளியாக இருக்கிறது. இதில் சுவாரஸ்சியமான செய்தி என்னவென்றால்,‘நேத்து’ பாடலை நடிகர் தனுஷே எழுதி பாடியிருக்கிறார். இந்தத்தகவலை அந்தப்படத்தின் இயக்குநர் கார்த்திக் சுப்புராஜ் தனது ட்விட்டர் பக்கத்தில் தெரிவித்துள்ளார்.

முன்னதாக, கார்த்திக் சுப்புராஜ் இயக்கத்தில் தனுஷ் நடித்துள்ள 'ஜகமே தந்திரம்' திரைப்படம் கடந்த ஆண்டு மே மாதத்தில் வெளியாகவிருந்த நிலையில், கொரோனா பெருந்தொற்று காரணமாக படம் தள்ளிப்போனது. இதனால், ஜகமே தந்திரம் ஓடிடியில் வெளியாகுமா அல்லது தியேட்டரில் வெளியாகுமா என்ற சந்தேகம் எழுந்தது. அதனைத்தொடர்ந்து படம் ஜூன் 18-ல் நேரடியாக நெட் ஃப்ளிக்ஸ் ஓ.டி.டி தளத்தில் வெளியிடப்படும் என்ற அதிகாரபூர்வமாக அறிவிக்கப்பட்டது.


Advertisement

ஏற்கெனவே படத்தின் டீஸரும், ’புஜ்ஜி’ என்ற பாடலும் வெளியாகி மக்களிடம் வரவேற்பை பெற்றிருந்த நிலையில் தற்போது இந்தப்பாடல் வெளியாவதாக தெரிவிக்கப்பட்டுள்ளது. கிட்டத்தட்ட 17 மொழிகளில் ஜகமே தந்திரம் படம் டப் செய்து வெளியிட இருப்பதாகவும் சொல்லப்படுகிறது. ‘ஜகமே தந்திரம்’ படத்திற்கு இசையமைப்பாளர் சந்தோஷ் நாரயணன் இசையமைத்திருப்பது குறிப்பிடத்தக்கது. 


Advertisement

Advertisement
[X] Close