[X] Close

'என்னை துப்பாக்கியால் சுட்டாலும் மார்பில் குண்டை தாங்குவேன்' - மேற்கு வங்க ஆளுநர் காட்டம்

இந்தியா

Police-afraid-of-ruling-party-workers-Bengal-Governor
மேற்குவங்கத்தில் சட்டம் ஒழுங்கு சீர்குலைந்துவிட்டது; ஜனநாயகம் குழிதோண்டி புதைக்கப்பட்டுள்ளது என்று விமர்சித்துள்ளார் அம்மாநில ஆளுநர் ஆளுநர் ஜக்தீப் தங்கர்.
மேற்கு வங்க மாநில சட்டப்பேரவை தேர்தலில் மம்தா பானர்ஜி தலைமையிலான திரிணாமுல் காங்கிரஸ் கட்சி வெற்றி பெற்றதை தொடர்ந்து,  சில தொகுதிகளில் வன்முறை சம்பவங்கள் அரங்கேறின. தேர்தலுக்கு பிந்தைய இந்த வன்முறை சம்பவங்களில் மொத்தம் 16 பேர் உயிரிழந்துள்ளதாக மேற்கு வங்காள அரசு தெரிவித்துள்ளது. ஆனால், வன்முறை சம்பவங்களில் 21 பேர் உயிரிழந்துள்ளதாக பாஜக தெரிவித்துள்ளது.
இந்நிலையில், தேர்தலுக்கு பிந்தைய வன்முறை நடைபெற்ற பகுதிகளை மாநில ஆளுநர் ஜக்தீப் தங்கர் நேரில் ஆய்வு செய்து வருகிறார். ஆளுநரின் இந்த ஆய்வுக்கு முதல்வர் மம்தா பானர்ஜி கடும் எதிர்ப்பு தெரிவித்துள்ளார். 'ஆளுநரின் தன்னிச்சையாக முடிவு நீண்ட காலமாக நடைமுறையில் இருக்கும் விதிமுறைகளுக்கு புறம்பானது' எனவும் அவர் விமர்சித்துள்ளார்.  

இந்நிலையில் தின்ஹட்டா பகுதிக்கு ஆளுநர் பார்வையிட சென்றபோது திரிணாமுல் காங்கிரஸ் கட்சியினர் கறுப்புக்கொடி காட்டி எதிர்ப்பு தெரிவித்தனர். இதுகுறித்து ஆளுநர் ஜக்தீப் தங்கர் கூறும்போது, "மாநிலத்தில் சட்டம் ஒழுங்கு சீர்குலைந்துவிட்டது. ஜனநாயகம் குழிதோண்டி புதைக்கப்பட்டுள்ளது. வீடுகள் கொள்ளை அடிக்கப்பட்டுள்ளன. மக்களை போலீஸாரே மிரட்டுகின்றனர். என்னை துப்பாக்கியால் சுட்டாலும் மார்பில் குண்டை தாங்குவேன். ஒட்டுமொத்த மாநிலமும் பற்றி எரிகிறது. முதல்வர் மம்தாவின் கண்களுக்கு எதுவுமே தெரியவில்லை" என்று தெரிவித்தார்.


Advertisement

இதற்கிடையில் முதல்வர் மம்தா பானர்ஜி தோல்வி அடைந்த நந்திகிராம் பகுதிக்கு ஆளுநர் ஜக்தீப் தங்கர் இன்று நேரில் சென்று ஆய்வு நடத்துகிறார். 


Advertisement

Advertisement
[X] Close