Published : 05,May 2021 10:06 PM

கொரோனா விரைவு செய்திகள் மே 5: கொரோனா இறப்பு முதல் கள்ளச்சந்தையில் படுக்கைகள் வரை

Corona-running-news-from-Corona-death-to-corona-bed-demand

மே 5 - கொரோனா விரைவு செய்திகள்: கொரோனா இறப்பு முதல் கள்ளச்சந்தையில் படுக்கைகள் வரை

  • தமிழகத்தில் ஒரே நாளில் 23,310 பேருக்கு புதிதாக கொரோனா தொற்று உறுதியாகியுள்ளது. கடந்த 24 மணி நேரத்தில் 167 பேர் சிகிச்சை பலனின்றி உயிரிழந்துள்ளனர்.
  • தமிழகத்தில் கூடுதல் கொரோனா கட்டுப்பாடுகள் காலை முதல் அமலுக்கு வருகின்றன. மளிகை, காய்கறி, பலசரக்கு கடைகள் நண்பகல் 12 மணி வரை மட்டுமே திறந்திருக்கும்.
  • கொரோனா கட்டுப்பாடாக டாஸ்மாக் கடைகள் செயல்படும் நேரம் குறைக்கப்பட்டுள்ளது. காலை 8 மணியிலிருந்து நண்பகல் 12 மணி வரை மட்டுமே மதுக்கடைகள் திறந்திருக்கும் என அறிவிக்கப்பட்டுள்ளது.
  • சென்னை, பெங்களூரு உள்ளிட்ட மாநகரங்களில் கொரோனா பரவல் அதிகமாக இருப்பது கவலையளிக்கிறது. புள்ளிவிவரங்களை கண்டு வேதனையடைவதாக மத்திய சுகாதாரத்துறை அமைச்சகம் தகவல் வெளியிட்டுள்ளது.
  • கொரோனாவால் உயிர்பயத்துடன் இருக்கும் மக்களை காக்கும் பணியில் தனியார் மருத்துவமனைகள் தங்களை முழுமையாக ஒப்படைக்க வேண்டும் என முதல்வராக பொறுப்பேற்க இருக்கும் மு.க.ஸ்டாலின் வேண்டுகோள் விடுத்துள்ளார்.
  • இம்மாதம் 20ஆம் தேதி வரை மாற்றுத்திறனாளி அரசுப் பணியாளர்கள் அலுவலகம் செல்லத் தேவையில்லை என புதிய கட்டுப்பாடு காலத்தில் சலுகை அறிவித்து அரசாணை வெளியிடப்பட்டுள்ளது.
  • சென்னை புறநகர் ரயில்களில் பொதுமக்கள் பயணம் செய்ய மீண்டும் தடை விதிக்கப்பட்டுள்ளது. முன்களப் பணியாளர்கள், அரசு ஊழியர்கள், ஊடகத்துறையினருக்கு அனுமதி வழங்கப்பட்டுள்ளது.
  • சென்னை ஸ்டான்லி அரசு மருத்துவமனையில் 800 ஆக்சிஜன் படுக்கைகளும் நிரம்பியதாகத் தகவல் வெளியாகியுள்ளது. மருத்துவமனை முன்பு ஆம்புலன்ஸிலேயே கொரோனா நோயாளிகள் காத்திருக்கும் அவலம் ஏற்பட்டுள்ளது.
  • பெங்களூருவில் தனியார் மருத்துவமனை படுக்கைகள் கள்ளச்சந்தையில் விற்கப்படுவதாக பாஜக எம்.பி.குற்றச்சாட்டியுள்ளார். தவறிழைத்த மருத்துவமனைகள் மீது கடுமையான நடவடிக்கை எடுக்கும்படி முதலமைச்சர் எடியூரப்பா உத்தரவிட்டுள்ளார்.

சற்று முன்



எடிட்டர் சாய்ஸ்