[X] Close

”கே.வி. ஆனந்த் சார் மிகவும் சீக்கிரமே சென்று விட்டீர்கள்” - சோகத்தில் தமிழ் திரையுலகம்!

சினிமா,தமிழ்நாடு

K-V--Anand-sir-you-are-gone-very-soon-Tamil-film-industry-in-tragedy

கே.வி.ஆனந்த் உயிரிழந்ததை தொடர்ந்து தமிழ் சினிமா பிரபலங்கள் பலர் தங்களது இரங்கல்களை தங்களது சமூகவலைதள பக்கங்கள் மூலமாக தெரிவித்துள்ளனர். 


Advertisement

அயன், மாற்றான், கவண், காப்பான், கோ, அநேகன் உள்ளிட்ட பல்வேறு திரைப்படங்களை இயக்கிய 54 வயதான கே.வி. ஆனந்த், கொரோனா தொற்றுக்கு உள்ளாகி மருத்துவமனையில் சிகிச்சைப் பெற்று வந்த நிலையில் இன்று மாரடைப்பு ஏற்பட்டு உயிரிழந்தார். அவரது திடீர் மறைவு தமிழ் திரையுலகில் பெரும் அதிர்ச்சியை ஏற்படுத்தியுள்ளது.இந்த நிலையில் தமிழ் சினிமா பிரபலங்கள் பலர் தங்களது இரங்கல்களை தங்களது சமூகவலைதள பக்கங்கள் மூலம் தெரிவித்துள்ளனர். 

நடிகர் தனுஷ் தனது ட்விட்டர் பக்கத்தில் பதிவிட்டதாவது, “ ஒரு நேர்மையான நல்ல மனிதர் இறந்துவிட்டார். அவர் அன்பையும் மகிழ்ச்சியையும் தனது வாழ்நாள் முழுவதும் கொண்டிருந்த மனிதர். கே.வி.ஆனந்த் சார் மிக சீக்கிரமே சென்று விட்டீர்கள்.. மிக சீக்கிரமே.. அவரது குடும்பத்திற்கு என்னுடைய ஆழ்ந்த இரங்கலை தெரிவித்துக்கொள்கிறேன். கே.வி. ஆனந்தின் ஆத்மா சாந்தியடையட்டும்” என்று அவர் அதில் குறிப்பிட்டுள்ளார். 


Advertisement

ஷங்கர் தனது ட்விட்டர் பக்கத்தில் பதிவிட்டதாவது, “ இந்தச் செய்தி என்னை அதிர்ச்சியடைய வைத்து விட்டது. இது எனது இதயத்திற்கு மிகவும் வலிதரக்கூடிய ஒன்றாக அமைந்துவிட்டது. நான் எனது நெருங்கிய தோழனை இழந்துவிட்டேன். அவர் ஒரு அற்புதமான ஒளிப்பதிவாளர், மிகச் சிறந்த இயக்குநர்.  இந்த இழப்பை எதனாலும் ஈடு செய்ய இயலாது. எனது நண்பனை நான் மிஸ் செய்கிறேன். அவரது குடும்பத்தினருக்கும் நண்பர்களுக்கும் எனது ஆழ்ந்த இரங்கல்களை தெரிவித்துக் கொள்கிறேன்” என்று அவர் அதில் குறிப்பிட்டுள்ளார். 


Advertisement

ஆர்யா கூறும் போது, “ இந்தச் செய்தியை என்னால் நம்ப முடியவில்லை. எனது இதயம் நொறுங்கி விட்டது. இது நிச்சயம் உண்மையாக இருக்க கூடாது. நான் உங்களை மிஸ் செய்கிறேன். மிகவும் சீக்கிரமே சென்றுவிட்டீர்கள்” என்று அவர் அதில் குறிப்பிட்டுள்ளார். 

பிரபல ஒளிப்பதிவாளர் பி.சி ஸ்ரீராம் கூறும் போது, “ மிகவும் சீக்கிரமே எங்களை விட்டுச் சென்று விட்டாய். நீ எப்போதும் என்னில் ஒரு பகுதியாய் இருப்பாய் நண்பனே.. பிரியாவிடை..” என்று அவர் அதில் குறிப்பிட்டுள்ளார்.  

மேலும் பிரபலங்கள் மற்றும் பிரபல நிறுவனங்கள் செய்த ட்வீட்கள்

 


Advertisement

Advertisement
[X] Close