நடிகர் அல்லு அர்ஜுனுக்கு கொரோனா தொற்று உறுதி

நடிகர் அல்லு அர்ஜுனுக்கு கொரோனா தொற்று உறுதியாகியுள்ளது.

தெலுங்கின் முன்னணி நடிகரான அல்லு அர்ஜுன் நடிப்பில், சுகுமார் இயக்கத்தில் விரைவில் ‘புஷ்பா’ வெளியாகவிருக்கிறது. சமீபத்தில், ஹீரோ அறிமுக டீசர் வரவேற்பை பெற்ற நிலையில், இப்படத்தின் பணிகளில் ஈடுபட்டிருந்தார் நடிகர் அல்லு அர்ஜுன். இந்நிலையில், இன்று அவருக்கு கொரோனா பாசிட்டிவ் வந்துள்ளது.

இதுகுறித்து தனது ட்விட்டர் பக்கத்தில் “எனக்கு கொரோனா தொற்று உறுதியாகியுள்ளது. வீட்டில் தனிமைப்படுத்திக்கொண்டேன். என்னுடன் தொடர்பில் இருந்த அனைவரும் பரிசோதனை செய்துகொள்ளும்படி கேட்டுக்கொள்கிறேன். அனைவரும் வீட்டில் பாதுகாப்பாக இருங்கள்” என்று தெரியப்படுத்தியுள்ளார். சமீபத்தில்தான், தெலுங்கின் முன்னணி நடிகரான பவன் கல்யாணுக்கு கொரோனா தொற்று உறுதி செய்யப்பட்டது என்பது குறிப்பிடத்தக்கது.