குஜராத் மருத்துவமனையில் தீ விபத்து: 16 கொரோனா நோயாளிகள் மீட்பு

குஜராத் மாநிலம் சூரத் மருத்துவமனையில் ஏற்பட்ட தீவிபத்திலிருந்து 16 கொரோனா நோயாளிகள் பத்திரமாக மீட்கப்பட்டனர்.

குஜராத் மாநிலம் சூரத் ஸ்டேஷன் சாலையில் உள்ள ஆயுஷ் மருத்துவமனையின், அடுக்குமாடி கட்டடத்திலுள்ள ஐந்தாவது மாடியில் ஞாயிற்றுக்கிழமை இரவு 11.40 மணியளவில் தீ விபத்து ஏற்பட்டது. அப்போது தீவிர சிகிச்சை பிரிவில் இருந்த 16 கொரோனா நோயாளிகள் பத்திரமாக மீட்கப்பட்டு பாதுகாப்பான இடங்களுக்கு மாற்றப்பட்டனர். இந்த தீ விபத்து காரணமாக எந்த உயிரிழப்பும் ஏற்படவில்லை என்று மருத்துவமனை நிர்வாகத்தினர் தெரிவித்தனர்.

"தீ விபத்து ஏற்பட்ட மருத்துவமனை கட்டடத்தின் ஐந்தாவது மாடியில் அமைந்துள்ள ஐ.சி.யுவில் பதினாறு நோயாளிகள் இருந்தனர். தீவிபத்து பற்றிய தகவல் தெரிந்தவுடன் தீயணைப்புத் துறை  11 நோயாளிகளை மீட்டது, மீதமுள்ள ஐந்து பேரை தீயணைப்பு குழு வருவதற்கு முன்பே மருத்துவமனை ஊழியர்கள் பாதுகாப்பான இடங்களுக்கு மாற்றினர் "என்று சூரத் நகராட்சியின் தலைமை தீயணைப்பு அதிகாரி பசந்த் பரீக் கூறினார்.