[X] Close

வெள்ளத்தில் மிதக்கும் குஜராத்… பிரதமர் மோடி நேரில் ஆய்வு 

Prime-Minister-Narendra-Modi--Flooding-Gujarat

குஜராத் மாநிலத்தில் வெள்ளத்தால் பாதிக்கப்பட்ட பகுதிகளை பிரதமர் மோடி ஹெலிகாப்டர் மூலம் ஆய்வு மேற்கொண்டார். 

குஜராத்தில் பெய்துவரும் கனமழையால் மாநிலத்தின் வடபகுதி மாவட்டங்களான பனஸ்கந்தா மற்றும் பதன் ஆகிய மாவட்டங்கள் கடுமையாகப் பாதிக்கப்பட்டுள்ளன. மேலும், மழை நீடிக்க வாய்ப்புகள் இருப்பதாக வானிலை ஆய்வு மையம் கூறியிருப்பதால் மாநிலம் முழுவதும் உஷார் படுத்தப்பட்டுள்ளது. வெள்ளத்தில் சிக்கியவர்களை மீட்கும் பணிகளில் மாநில மற்றும் தேசிய பேரிடர் மீட்புப் படையினருடன், ராணுவ வீரர்களும் ஈடுபட்டுள்ளனர். அதேபோல விமானப்படையைச் சேர்ந்த விமானங்களும் மீட்புப் பணியில் ஈடுபடுத்தப்பட்டுள்ளன. இந்தநிலையில், குஜராத் மாநிலத்தின் சூழல் குறித்து முதலமைச்சர் விஜய் ரூபானி உள்ளிட்டோருடன் அகமதாபாத் விமான நிலையத்தில் ஆலோசனை நடத்திய பிரதமர் மோடி, பாதிக்கப்பட்ட பகுதிகளை ஹெலிகாப்டரில் சென்று ஆய்வு நடத்தினார். வெள்ளத்தால் அதிகம் பாதிக்கப்பட்டிருப்பது விவசாயிகளே என்று கூறிய மோடி, அவர்களுக்குத் தேவையான அனைத்து உதவிகளையும் மத்திய, மாநில அரசுகள் செய்யும் என்று தெரிவித்தார். வெள்ளத்தில் பாதிக்கப்பட்டு உயிரிழந்தவர்கள் குடும்பத்தினருக்கு பிரதமரின் நிவாரண நிதியிலிருந்து தலா ரூ.2 லட்சமும், படுகாயமடைந்தவர்களுக்கு தலா ரூ.50,000 நிதியுதவி அளிக்கப்படும் என்றும் பிரதமர் மோடி அறிவித்துள்ளார். மேலும், குஜராத் மாநில பேரிடர் மேலாண்மை அமைப்புக்கு மத்திய அரசு ரூ.500 கோடிக்கும் அதிகமாக நிதி ஒதுக்க உள்ளதாகவும் பிரதமர் மோடி தெரிவித்தார்.  

Advertisement:

Advertisement

Advertisement
[X] Close