Rishan Vengai
வெஸ்ட் இண்டீஸ் அணிக்கு எதிரான முதல் டெஸ்ட் போட்டியில் பல சாதனைகளை படைத்து அசத்தியுள்ளார் ரவிச்சந்திரன் அஸ்வின். அவற்றில் முக்கியமான 5 சாதனைகளை இங்கே பார்ப்போம்...
12 வருடத்திற்கு முன் வெஸ்ட் இண்டீஸ் நட்சத்திர வீரர் ஷிவ்நரைன் சந்தர்பால் விக்கெட்டை வீழ்த்திய அஸ்வின், தற்போது அவருடைய மகன் டேகனரின் சந்தர்பாலையும் அவுட்டாக்கி சாதனை படைத்துள்ளார். இதன்மூலம் தந்தை - மகன் என 2 பேரின் விக்கெட்டை வீழ்த்திய முதல் இந்திய பவுலரானார் அஸ்வின்.
வெஸ்ட் இண்டீஸுக்கு எதிராக அவர்களுடைய சொந்த மண்ணில் 3 முறை 5 விக்கெட்டுகளை கைப்பற்றி அசத்தியுள்ளார் அஸ்வின். அந்த வரிசையில் கும்ப்ளே (3), ஹர்பஜன் (3), இஷாந்த் சர்மாவுடன் (3) இணைந்துள்ளார் அஸ்வின்.
93 டெஸ்ட் போட்டிகளில் 33வது முறையாக 5 விக்கெட்டுகளை (FIFER) வீழ்த்திய அஸ்வின், உலக வீரர்கள் பட்டியலில் 181 போட்டிகளில் 32 முறை வீழ்த்திய ஜேமி ஆண்டர்சனை பட்டியலில் பின்னுக்கு தள்ளினார். இதன்மூலம் அதிக FIFER எடுத்தவர்கள் வரிசையில் உலகளவில் 6வது வீரராக உள்ளார் அஸ்வின்.
அல்சாரி ஜோசப் விக்கெட்டை வீழ்த்திய அஸ்வின், சர்வதேச கிரிக்கெட்டில் 700வது விக்கெட்டை பதிவு செய்துள்ளார். உலக அரங்கில் 700 விக்கெட்டுகளை கைப்பற்றிய இந்திய வீரர்கள் பட்டியலில் 702* விக்கெட்டுகளுடன் அஸ்வின், அனில் கும்ப்ளே (956) மற்றும் ஹர்பஜன் (711) இருவருக்கும் அடுத்த இடத்தில் உள்ளார்.
இந்தியா மற்றும் வெஸ்ட் இண்டீஸ் மோதிய டெஸ்ட் போட்டிகளில் அதிகமுறை 5 விக்கெட்டுகள் வீழ்த்திய பட்டியலில், விண்டீஸ் ஜாம்பவான் மார்ஷலை பின்னுக்கு தள்ள இன்னும் ஒரு முறை 5 விக்கெட்டுகளை எடுக்க வேண்டும். அந்த வரிசையில் மார்ஷல் (6 முறை), ஹர்பஜன் (5 முறை), அஸ்வின் (5 முறை) என உள்ளனர்.