[X] Close >

அமெரிக்காவில் நடைபெறும் பருவநிலை உச்சிமாநாடு...ஜோ பைடன் அழைப்பை ஏற்றார் பிரதமர் மோடி!

PM-Modi-accepts-Biden-invitation-to-Leaders----Summit-on-Climate

பருவநிலை உச்சி மாநாட்டில் கலந்து கொள்ள பிரதமர் மோடி, சீனா, ரஷ்யா, இங்கிலாந்து, கனடா, ஆஸ்திரேலியா உள்பட 40 நாடுகளின் தலைவர்களுக்கு அமெரிக்க அதிபர் ஜோ பைடன் அழைப்பு விடுத்துள்ளார்.


Advertisement

அமெரிக்காவில் வரும் ஏப்ரல் 22 மற்றும் 23 ஆகிய தேதிகளில் பருவநிலை மாற்றம் குறித்த உச்சி மாநாடு காணொலி மூலம் நடைபெற உள்ளது. இந்த மாநாட்டில் புதைபடிம எரிபொருள்கள் பயன்பாடு, காலநிலை மாற்றத்தால் அதிகரிக்கும் வெப்பநிலையைக் குறைக்க மேற்கொள்ளப்பட வேண்டிய நடவடிக்கைகள், காலநிலை மாற்ற தடுப்பு நடவடிக்கையின் மூலம் உருவாக்கப்படும் வேலைவாய்ப்புகள் உள்ளிட்ட பல்வேறு செயல்பாடுகள் குறித்து விவாதிக்கப்பட உள்ளது.

image


Advertisement

இந்த மாநாட்டில் கலந்து கொள்ள இந்தியப் பிரதமர் மோடி, சீன அதிபர் ஜின்பிங், ரஷ்ய அதிபர் புதின், இங்கிலாந்து, கனடா, ஆஸ்திரேலியா உள்பட 40 நாடுகளின் தலைவர்களுக்கு அமெரிக்க அதிபர் ஜோ பைடன் அழைப்பு விடுத்துள்ளார். இந்த நிலையில் அமெரிக்க அதிபரின் அழைப்பை பிரதமர் மோடி ஏற்றுக்கொண்டதாக, மத்திய வெளியுறவத்துறை அமைச்சக செய்தித் தொடர்பாளர் அரிந்தம் பாகி தெரிவித்துள்ளார்.

இதையடுத்து அமெரிக்க அதிபரின் சிறப்பு தூதர் ஜான் கெர்ரி, வரும் ஏப்ரல் 5-ம் தேதி டெல்லிக்கு வருகை வந்து மத்திய அமைச்சர்களுடன் உச்சிமாநாடு தொடர்பாக கலந்துரையாடுவார் எனவும் அரிந்தம் பாகி தெரிவித்துள்ளார்,.

இந்த ஆண்டு நவம்பரில் கிளாஸ்கோவில் நடைபெற உள்ள ஐக்கிய நாடுகளின் காலநிலை மாற்ற மாநாட்டிற்கான முக்கிய மைல்கல்லாக, இந்த உச்சி மாநாடு அமையும் என எதிர்பார்க்கப்படுகிறது. இந்த மாநாட்டின் விவாதங்களை நேரலையாக ஒளிபரப்ப உள்ளதாகவும் தகவல் வெளியாகியுள்ளது.


Advertisement
Related Tags : PM ModiJohn KerryNarendra ModiJoe Biden மோடி
Advertisement:

Advertisement

Advertisement

Advertisement
[X] Close