'வலிமை' - மீண்டும் அப்டேட் கொடுத்த போனி கபூர்!

அஜித்தின் ’வலிமை’ படத்தின் தமிழ்நாடு தியேட்டர் வெளியீட்டு உரிமையை பெற்றிருக்கும் நிறுவனங்கள் குறித்து தயாரிப்பாளர் போனி கபூர் தெரிவித்திருக்கிறார்.

கடந்த 2019 ஆம் ஆண்டு வெளியான ‘நேர்கொண்ட பார்வை’ வெற்றிக்குப்பிறகு அஜித்,ஹெச்.வினோத், போனி கபூர் கூட்டணி ‘வலிமை’ படத்தில் இணைந்துள்ளது. அஜித்துக்கு ஜோடியாக ஹீமா குரேஷி நடிக்கிறார். யுவன் ஷங்கர் ராஜா இசையமைக்கிறார். அஜித் ரசிகர்கள் அனைவரும் ‘வலிமை’ அப்டேட் கேட்டுவந்த நிலையில் அஜித்தின் 50-வது பிறந்தநாளையொட்டி ’வலிமை’ ஃபர்ஸ்ட் லுக் போஸ்டர் வெளியாகும் சமீபத்தில் அறிவித்திருந்தார் போனி கபூர்.

இந்நிலையில், மீண்டும் ஒரு அப்டேடை கொடுத்து அஜித் ரசிகர்களை உற்சாகமாக்கியிருக்கிறார். ‘வலிமை’ படத்தின் தியேட்டர் வெளியீட்டு உரிமையை ரோமியோ பிக்சர்ஸ் மற்றும் கோபுரம் சினிமாஸ் கைப்பற்றியதாக அதிகாரபூர்வமாக தெரிவித்திருக்கிறார். கடந்த பிப்ரவரி மாதத்தோடு வலிமை படத்தின் ஷூட்டிங் முடிந்துவிட்டது என்பது குறிப்பிடத்தக்கது.