[X] Close >

100 நாள்களை கடந்த டெல்லி விவசாயிகள் போராட்டம்: கே.எம்.பி எக்ஸ்பிரஸ் சாலை முற்றுகை

Farmers-Protest-Peacefully-at-KMP-Expressway-to-Mark-100th-Day

மூன்று வேளாண் சட்டங்களுக்கு எதிராக பல மாநில விவசாயிகள் டெல்லியில் நடத்தும் போராட்டம் நேற்று 100வது நாளை எட்டியது. இதன்காரணமாக கே.எம்.பி அதிவேக நெடுஞ்சாலையை முற்றுகையிட்ட விவசாயிகள், கோஷங்களை எழுப்பி, கறுப்பு பலகைகளை காட்சிப்படுத்தி தங்கள் எதிர்ப்பை பதிவு செய்தனர்.


Advertisement

மார்ச் 6, சனிக்கிழமையன்று மூன்று புதிய பண்ணை வேளாண் சட்டங்களுக்கு எதிரான 100 வது நாள் போராட்டத்தை குறிக்கும் வகையில், விவசாயிகள் ஐந்து மணி நேர அமைதியான முற்றுகையை மேற்கொண்டதால், டெல்லிக்கு அருகிலுள்ள குண்ட்லி-மானேசர்-பல்வால் (கே.எம்.பி) அதிவேக நெடுஞ்சாலையில் வாகன இயக்கம் 5 மணி நேர முற்றுகைக்கு பின்னர் இயல்பு நிலைக்கு திரும்பியது.

image


Advertisement

நேற்று, விவசாயிகள் அதிவேக நெடுஞ்சாலையில் குவிந்து, காலை 11 மணி முதல் மாலை 4 மணி வரை பல்வேறு டோல் பிளாசாக்களைத் தடுத்தனர். விவசாயிகள் கோஷங்களை எழுப்பி, கறுப்புப் பலகைகளைக் காண்பிப்பதன் மூலம் தங்கள் எதிர்ப்பைப் பதிவுசெய்தனர், அதே நேரத்தில் டிராக்டர்கள் பேரணியும், வேளாண் சட்ட எதிர்ப்புப் பாடல்களும் பேச்சாளர்களிடமிருந்து ஒலித்தன.

புதிய சர்ச்சைக்குரிய வேளாண் சட்டங்களுக்கு எதிரான விவசாயிகளின் போராட்டம் நவம்பர் 26 அன்று தொடங்கியது. இப்போது 100 நாட்களாக பல்லாயிரக்கணக்கான விவசாயிகள் டெல்லியின் எல்லைகளில் முற்றுகையிட்டு காத்திருக்கிறார்கள், விவசாயிகளுடன் அரசு நடத்திய பல கட்ட பேச்சுவார்த்தைகளும் தோல்வியை தழுவிய நிலையில், மிகக்கடுமையான குளிர்காலம், மழைக்காலம் மற்றும் பிற பாதகமான சூழ்நிலைகள் இருந்தபோதிலும் விவசாயிகள் போராட்டம் தொடர்கிறது. வேளாண் சட்டங்களை திரும்ப பெற்றால் மட்டுமே போராட்டத்தை கைவிடுவோம் என்று விவசாயிகள் உறுதியான கோரிக்கை வைத்து வருகிறார்கள்.

Advertisement:

Advertisement

Advertisement

Advertisement
[X] Close