ஸ்போர்ட்ஸ் பைக்குகளின் இளவரசன் இந்தியாவில் அறிமுகம்!

இந்தியாவில் எம்.வி. ஆகஸ்டா நிறுவனத்தின் புதிய புரூடேல் பைக் அறிமுகம் செய்யப்பட்டுள்ளது. இந்த பைக்கின் விலை ரூ.15.59 லட்சமாக நிர்ணயிக்கப்பட்டுள்ளது.  

இத்தாலியை சேர்ந்த பிரபல இருசக்கர வாகன தயாரிப்பு நிறுவனமான எம்.வி. ஆகஸ்டா புதிய புரூடேல் 800 பைக்கினை இந்தியாவில் அறிமுகம் செய்துள்ளது. இந்தியாவில் ரூ.15.59 லட்சம் என நிர்ணயம் செய்யப்பட்டுள்ள புதிய பைக் மோட்டோ ராயல் விற்பனை மையங்கள் மூலம் விளம்பரம் செய்யப்படுகிறது. அடுத்த மாதம் முதல் விநியோகம் செய்யப்பட இருக்கும் 800சிசி பைக் கவாசகி Z900 மற்றும் டிரையம்ப் ஸ்ட்ரீட் டிரிபிள் 765 எஸ் பைக்களுக்கு போட்டியாக அமையும் என எதிர்ப்பார்க்கப்படுகிறது.  

முந்தைய புரூடேல் மாடலை விட நீண்ட வீல்பேஸ், மாற்றியமைக்கப்பட்ட சேசிஸ் உள்ளிட்டவை புதிய மாடலில் வழங்கப்பட்டுள்ளது. இத்துடன் இன்ஜின் பிரேக் கண்ட்ரோல் வழங்க MVICS, 8-லெவல் டிராக்ஷன், 3-லெவல் ABS உள்ளிட்ட அம்சங்களும் வழங்கப்பட்டுள்ளது. இந்த மோட்டார்சைக்கிள்களில் பைரெளி டையப்ளோ ரோசோ III டையர்கள் வழங்கப்பட்டுள்ளது. மேலும் முந்தைய மாடல்களில் இருந்த பிரச்சனையை தீர்க்கும் வகையில் இதன் முன்பாகத்தில் திரை மற்றும் ஸ்விட்ச் கியர் வழங்கப்பட்டுள்ளது.  

எம்.வி. ஆகஸ்டா புரூடேல் 800 மாடலின் இன்ஜின் முந்தைய மாடலை விட மேம்படுத்தப்பட்டுள்ளது. புதிய இன்ஜினில் 11,500rpm செயல்திறன் கொண்ட 110PS மற்றும் அதிகபட்ச டார்கியூ 7,600rpm ஆக இருக்கிறது. முந்தைய மாடலை விட இது 25 சதவிகிதம் அதிகம் ஆகும். இதன் இன்ஜினில் கவுன்ட்டர்-ரொட்டேடிங் கிரான்க்ஷிப்ட் வழங்கப்பட்டுள்ளதால் வளைவுகளில் ஏற்படும் அதிர்வுகள் இருக்காது எனவும் தெரிவிக்கப்பட்டுள்ளது.