“நான் என் மனைவிகளுக்கு உண்மையானவனாக இருந்தது இல்லை” - பீலே

கால்பந்தாட்ட உலகின் மன்னாதி மன்னனான பீலே, தன் மனைவிகளுக்கு உண்மையானவனாக இருந்தது இல்லை என ஒப்புக்கொண்டுள்ளார். பிரேசிலுக்காக 1958, 1962 மற்றும் 1970 ஃபிபா உலகக் கோப்பையை பீலே வென்று கொடுத்துள்ளார். தற்போது அவருக்கு 80 வயதாகிறது. 1957 முதல் 1971 வரை பிரேசில் அணிக்காக 92 சர்வதேச கால்பந்தாட்ட போட்டிகளில் அவர் விளையாடியுள்ளார். இதில் நான்கு உலகக் கோப்பை தொடரும் அடங்கும். 

“நான் என் மூன்று மனைவிகளுக்கும் உண்மையானவனாக இருந்தது இல்லை. எனக்கு எத்தனை பிள்ளைகள் இருக்கிறார்கள் என்றுகூட எனக்கு தெரியாது. எனக்கு சிலருடன் ரகசிய காதலும் இருந்துள்ளது. அந்த காதலின் அடையாளமாக குழந்தைகளும் பிறந்துள்ளன. இதை நான் சொல்லியாக வேண்டுமென்பதால் சொல்கிறேன்” எனத் தெரிவித்துள்ளார் பீலே. 

இது நெட்ப்ளிக்சில் வெளியாகி உள்ள பீலே ஆவணப்படத்தில் பதிவாகியுள்ளதாக தகவல் வெளியாகியுள்ளது.