[X] Close

”முகத்தை மூடி கொலை செய்தோம்” பெண் சிசுக் கொலை கொலைக்கு உடந்தையாக இருந்த பாட்டி கைது

Subscribe
Continued-female-infanticide-in-Madurai-district-Grandmother-arrested-for-complicity-in-murder

பிறந்து ஏழு நாட்களே ஆன பெண் குழந்தையை பெற்றோரே கையால் முகத்தை மூடி கொலை செய்த திடுக்கிடும் சம்பவம் காவல்துறை விசாரணை வெளியாகி உள்ளது.


Advertisement

மதுரை மாவட்டம் உசிலம்பட்டி அருகே உள்ள கே.பாறைப்பட்டியைச் சேர்ந்த சின்னச்சாமி - சிவப்பிரியா தம்பதிக்கு பிறந்து 7 நாட்களே ஆன பெண் குழந்தைக்கு உடல்நிலை சரியில்லை என நேற்று முன்தினம் நள்ளிரவு உசிலம்பட்டி அரசு மருத்துவமனைக்கு கொண்டு வந்துள்ளனர்.

image


Advertisement

குழந்தையை பரிசோதித்த மருத்துவர்கள் பெண் குழந்தை ஏற்கனவே இறந்துவிட்டதாக கூறியுள்ளனர். மேலும் குழந்தையின் முகத்தில் காயங்கள் இருந்ததைக் கண்ட மருத்துவர் குழந்தையின் மரணத்தில் சந்தேகம் உள்ளதாக காவல்துறையினருக்கு தகவல் கொடுத்துள்ளனர்.

இதையடுத்து விரைந்து வந்து குழந்தையின் உடலை கைப்பற்றிய போலீசார், பெண் குழந்தை இறப்பு குறித்து உத்தப்பநாயக்கனூர் காவல் நிலையத்தில் சந்தேக மரணமாக வழக்குப்பதிவு செய்தனர். இதைத் தொடர்ந்து குழந்தையின் உடல் மதுரை அரசு இராஜாஜி மருத்துவமனையில் இன்று பிரேத பரிசோதனை செய்யப்பட்டது.

image


Advertisement

மூச்சுத் திணறல் காரணமாக குழந்தை உயிரிழந்ததாக மருத்துவர்கள் கூறியதை அடுத்து, உத்தப்பநாயக்கனூர் காவல்துறையினர் குழந்தையின் பெற்றோரிடம் நடத்திய விசாரணையில் குழந்தையை கையால் முகத்தை மூடி கொலை செய்ததாக கூறி உள்ளனர்.

இதனைத் தொடர்ந்து சந்தேக மரணமாக பதிவு செய்யப்பட்ட வழக்கு கொலை வழக்காக மாற்றப்பட்டுள்ளதாக காவல்துறையினர் தெரிவித்துள்ளனர். இந்நிலையில் குழந்தையின் பாட்டி நாகம்மாள் கைது செய்யப்பட்டுள்ளார்.

Follow @ Google News: கூகுள் செய்திகள் பக்கத்தில் புதிய தலைமுறை இணையதளத்தை இங்கே கிளிக் செய்து ஃபாலோ செய்க
முக்கியச் செய்திகளை உடனுக்குடன் அறிய, நேர்த்தியான வாசிப்பு அனுபவம் பெற புதிய தலைமுறை ஆப் டவுன்லோடு செய்க >
Advertisement:

Advertisement

Advertisement

Advertisement
[X] Close