[X] Close >

கடலூர்: என்கவுன்ட்டரில் ஒருவர் சுட்டுக்கொலை!

One-person-was-shot-dead-in-an-encounter-Cuddalore

கடலூர் மாவட்டம் பன்ருட்டி அருகே என்கவுண்டரில் ஒருவர் சுட்டுக்கொலை செய்யப்பட்டார்.


Advertisement

கடலூர் மாவட்டத்தைச் சேர்ந்த வீரா என்பவர் தனது வீட்டின் அருகே அமர்ந்திருந்தபோது அவரை சுற்றிவளைத்த ஒரு கும்பல் அவரின் கழுத்தை அறுத்து தலையை தனியாக எடுத்துச்சென்றது. தகவலறிந்து வந்த போலீசார் கழுத்தில்லாத வீராவின் உடலை மீட்டு அரசு மருத்துவமனைக்கு அனுப்பி வைத்தனர். மேலும் வீராவின் தலையை நேற்று இரவு முதலே தேடி வந்தனர்.

image


Advertisement

மேலும் தனிப்படை அமைத்து இந்த கொடூர கொலைக்கு காரணமானவர்களை போலீசார் மாவட்டம் முழுவதும் வலைவீசி தேடி வந்தனர். இந்நிலையில் புதுப்பேட்டை மலட்டாறு பகுதியில் குற்றவாளிகள் 7 பேர் சுற்றி வளைக்கப்பட்டதாக கூறப்படுகிறது. அதில் கிருஷ்ணா என்பவர் காவல்துறையினர் மீது தாக்குதல் நடத்தியதாகவும் அதனால் அவரை போலீசார் என்கவுண்டர் செய்ததாகவும் சொல்லப்படுகிறது.

இதையடுத்து கிருஷ்ணாவின் உடல் முண்டியம்பாக்கம் அரசு மருத்துவமனைக்கு கொண்டு செல்லப்படுகிறது. கிருஷ்ணாவிற்கும் வீராவிற்கும் ஏற்கெனவே முன்பகை இருந்ததாகவும் அதனால்தான் கொடூர கொலை அரங்கேறியுள்ளதாகவும் போலீசார் தரப்பில் தெரிவிக்கப்பட்டுள்ளது.

Advertisement:

Advertisement

Advertisement

Advertisement
[X] Close