[X] Close >

குஜராத்: வீட்டில் கழிப்பறை இல்லாததால் காங். வேட்பாளரின் வேட்பு மனு நிராகரிப்பு

Ahmedabad-No-toilet-Congress-candidate-nomination-flushed-away

வீட்டில் கழிப்பறை வசதி இல்லாத காங்கிரஸ் வேட்பாளரின் வேட்பு மனு நிராகரிக்கப்பட்டுள்ளது.


Advertisement

குஜராத் மாநிலத்தில் பிப்ரவரி 21ஆம் தேதியன்று உள்ளாட்சி தேர்தல் நடைபெற இருக்கிறது. குஜராத் உள்ளாட்சி சட்ட விதிகளின்படி, உள்ளாட்சி தேர்தலில் போட்டியிட விரும்புவோர் தங்கள் வீட்டில் கழிப்பறை உள்ளது என்பதற்கான ஆவணத்தையும் சமர்பிக்க வேண்டும். வீட்டில் கழிப்பறை வசதி இல்லாதவர்கள் தேர்தலில் போட்டியிட முடியாது.

இந்நிலையில் அகமதாபாத் மாவட்டம் சிங்கர்வா பஞ்சாயத்து தொகுதிக்கு காங்கிரஸ் சார்பில் 47 வயதான கிரினா படேல் என்பவர் வேட்பு மனு தாக்கல் செய்தார். இந்நிலையில் அவரது வீட்டில் கழிப்பறை வசதி இல்லை என்று பாஜகவினர் தேர்தல் அதிகாரியிடம் புகார் அளித்தனர்.  இதையடுத்து கிரினா படேல் வீட்டில் ஆய்வு செய்த அதிகாரிகள், அவரது வீட்டில் கழிப்பறை இல்லை என்பதை உறுதி செய்தனர். இதைத் தொடர்ந்து கிரினா படேலின் வேட்புமனுவை மாநில தேர்தல் ஆணையம் தள்ளுபடி செய்தது.


Advertisement

கிரினா படேலுக்கு ரூ.15 லட்சம் மதிப்புள்ள தங்க நகைகள், நரோடாவில் ஒரு பிளாட் மற்றும் ரூ.10 லட்சம் மதிப்புள்ள சொகுசு கார் இருப்பதாக வேட்புமனுவில் தெரிவிக்கப்பட்டிருந்தது. 

Advertisement:

Advertisement

Advertisement

Advertisement
[X] Close