[X] Close >

’பிப்ரவரி இறுதிக்குள் வலிமை அப்டேட்’ – ரசிகருக்கு அப்டேட் தந்த அஜித்!

valimai-update

வலிமை படக்குழுவில் சந்தித்த ரசிகரிடம் ‘பிப்ரவரி இறுதிக்குள் வலிமை அப்டேட்’ வருகிறது என்று அஜித் கொடுத்த அப்டேட்டால் ரசிகர் நெகிழ்ந்துபோய் புகைப்படத்துடன் ட்விட்டரில் பதிவிட்டது வைரலாகி வருகிறது.


Advertisement

மறைந்த நடிகை ஸ்ரீதேவியின் கணவர் போனி கபூர் தயாரிப்பில், அஜித் நடித்த  ’நேர்கொண்ட பார்வை’ கடந்த ஆண்டு வெளியாகி பாராட்டுகளைக் குவித்தது. இப்படத்தினை 'சதுரங்க வேட்டை', 'தீரன் அதிகாரம் ஒன்று' படங்களை இயக்கிய வெற்றி இயக்குநர் ஹெச். வினோத் இயக்கி இருந்தார். 'நேர்கொண்ட பார்வை'-யின் வெற்றியால், இக்கூட்டணி மீண்டும் ’வலிமை’ படத்தில் இணைந்தது. 'ஈஸ்வர மூர்த்தி’ என்ற பெயரில் அஜித் காவல்துறை அதிகாரியாக நடிக்கிறார். தற்போது, ஹைதராபாத், ராஜஸ்தானில் படப்பிடிப்பை முடித்த படக்குழு சண்டைக் காட்சிக்காக தென் ஆப்பிரிக்கா சென்றது. இம்மாத இறுதிக்குள் படத்தை முடித்து  அஜித்தின் 50-வது பிறந்தநாளான மே 1-ஆம் தேதி தியேட்டர்களில் கொண்டுவர கடுமையாக உழைத்து வருகிறது.

image


Advertisement

விஜய், தனுஷ், சூர்யா என முன்னணி நடிகர்களின் அடுத்தடுத்த படங்களின் வெளியீடுகளும் அப்டேட்டுகளும் தொடர்ச்சியாக வந்துகொண்டிருக்கும் நிலையில், வலிமை படத்தின் அப்டேட் எதுவும் இதுவரை வெளியாகாததால் ரசிகர்கள் அப்டேட் கேட்டு வருகிறார்.


Advertisement

இதனால், வலிமை படத்தில் அஜித் பைக் ஓட்டும் புகைப்படம் சமீபத்தில் வைரலானது. இந்நிலையில், ஹரிஷ் என்ற சினிமா மேனேஜர், வலிமை படக்குழுவை நேற்று சந்தித்துள்ளார். 10 நிமிடம் அஜித்துடன் உரையாடியவர் ’வலிமை அப்டேட் எப்போது?’ என்று கேட்டதற்கு ‘இம்மாத இறுதிக்குள்’ என்று அஜித் ஏமாற்றாமல் அப்டேட் கொடுத்திருக்கிறார். இந்தப் புகைப்படமும் பதிவும் தற்போது வைரல் ஆகியுள்ளது.

Advertisement:

Advertisement

Advertisement

Advertisement
[X] Close