மஞ்சள் நிறத்தில் மாறிய சீன முதியவரின் சருமம்- 30 வருட புகைப் பழக்கத்தால் ஏற்பட்ட விளைவு

சீனாவில் புகைப்பிடிக்கும் பழக்கத்தின் காரணமாக ஒருவரின் சருமம் வழக்கத்திற்கு மாறாக மஞ்சள் நிறத்தில் மாறியது அதிர்ச்சியை ஏற்படுத்தியுள்ளது.

சீனாவில் வசிக்கும் 60 வயதான நபர் ஒருவரின் உடல் திடீரென மஞ்சள் நிறமாக மாறியது. இதனால் அவர் மருத்துவமனையில் அனுமதிக்கப்பட்டார். அவரை பரிசோதித்த மருத்துவர்கள் நோயாளியின் உடலில் இரண்டு கட்டிகள் இருப்பதை கண்டறிந்தனர். அதில் ஒரு கட்டி புற்றுநோய் கட்டி என்பதும் அது கணையத்தில் இருந்ததால் அவரது பித்தநீர் வெளியேறவில்லை என்பதும் தெரியவந்தது. 

பித்தநீர் வெளியேற்றாததால் தான் இவர் உடல் முழுவதும் மஞ்சள் நிறமாக மாறி உள்ளது. அதன்பின் மருத்துவர்கள் சிகிச்சை செய்து அவரது உடலில் இருந்த இரண்டு கட்டிகளையும் அகற்றினர். அதீதமாக புகைப்பிடிக்கும் பழக்கம் காரணமாகவே இந்த கட்டி உருவாக காரணமாக இருந்துள்ளது என்று மருத்துவர்கள் கூறினர்.

ஆகவே அந்நபரை புகைப் பிடிப்பதை முற்றிலும் நிறுத்துமாறு மருத்துவர்கள் அறிவுறுத்தியுள்ளனர். மஞ்சள் நிறமாக மாறிய அந்த நோயாளியின்  உடலில் இருந்த இரண்டு கட்டிகளை அகற்றிய பின் அவர் சாதாரண நிறத்திற்கு மாறிவிட்டார் என மருத்துவர்கள் தெரிவித்தனர்.