[X] Close

இது எங்க ஏரியா உள்ள வராத.. சஃபாரி வாகனத்தை கடித்து குதறிய புலி: வைரல் வீடியோ

Subscribe
Tiger-Bites-Safari-Vehicle-At-Bengaluru-Bannerghatta-Biological-Park

பெங்களூரு பன்னேர்கட்டா தேசிய பூங்காவில் சஃபாரி வாகனம் ஒன்றை, புலி ஒன்று கடித்து இழுக்கும் வீடியோ சமூக வலைதளங்களில் வைரலாகி உள்ளது.


Advertisement

பெங்களூரில் இருந்து 22 கிலோமீட்டர் தொலைவில் அமைந்துள்ளது, பன்னேர்கட்டா தேசிய உயிரியல் பூங்கா. 104.27 சதுர கிலோமீட்டர் பரப்பளவு கொண்ட இந்த பூங்காவில் புலிகள், வெள்ளைப் புலிகள், சிங்கங்கள், யானைகள், சிறுத்தைகள், மான்கள் மற்றும் பல்வேறு வகையான பாலூட்டிகள் காணப்படுகின்றன. இப்பூங்காவை சுற்றுலாப் பயணிகள் சுற்றிப்பார்க்க வசதியாக வனத்துறை சார்பில் சஃபாரி வாகனங்கள் ஏற்பாடு செய்யப்பட்டுள்ளது.

image


Advertisement

இந்நிலையில், சமீபத்தில் பன்னேர்கட்டா தேசிய பூங்காவில் வலம்வந்த சஃபாரி வாகனம் ஒன்றை, அங்கிருந்த புலி ஒன்று கடித்து இழுக்கும் வீடியோ சமூக வலைதளங்களில் பரவி வருகிறது.


Advertisement

ஒன்றரை நிமிடம் ஓடும் அந்த வீடியோவில், மிகவும் வலிமை வாய்ந்த அந்த புலி ஒன்று, சஃபாரி வாகனத்தின் பின்பக்கத்தை, தனது வாயில் கடித்து இழுக்கிறது. இதனால், பயணிகள் பயத்தில் உறைந்து போயினர். அப்போது மற்றொரு புலி ஒன்றும் அதன் அருகே வருகிறது. இந்த நிகழ்வுகளை மற்றொரு வாகனத்தில் இருந்த பயணிகள், வீடியோவாக பதிவு செய்தனர். புலி கடித்து இழுத்ததில், சஃபாரியின் பம்பர் பகுதி சேதம் அடைந்தது. அரிய காட்சியான இதனை பயணி ஒருவர் தனது ட்விட்டர் பக்கத்தில் பதிவிட, தற்போது அது வைரலாகி வருகிறது.

Follow @ Google News: கூகுள் செய்திகள் பக்கத்தில் புதிய தலைமுறை இணையதளத்தை இங்கே கிளிக் செய்து ஃபாலோ செய்க
முக்கியச் செய்திகளை உடனுக்குடன் அறிய, நேர்த்தியான வாசிப்பு அனுபவம் பெற புதிய தலைமுறை ஆப் டவுன்லோடு செய்க >
Advertisement:

Advertisement

Advertisement

Advertisement
[X] Close