'தேர்தல் களத்தில் ரஜினி யாருக்கும் ஆதரவு அளிக்கமாட்டார்' - வைகோ உறுதி

மதிமுகவின் தனித்தன்மையை காக்க தனி சின்னத்தில் தான் போட்டியிடுவோம், இதில் எந்த வலியுறுத்தலும் எங்களுக்கு வரவில்லை என வைகோ தெரிவித்துள்ளார். 

மதிமுக பொதுச்செயலாளர் வைகோ செய்தியாளர்கள் சந்திப்பில் பேசியதாவது:-  ''அதிமுக அரசின் ஊழல் குறித்து திமுக அளுநரிடம் புகார் அளித்துள்ளது. தாமதம் செய்தால் நீதிமன்றம் சென்று நடவடிக்கை எடுக்க திட்டமிடுவோம். 7 பேர் விடுதலையில் ஆளுநர் ஏன் தாமதம் செய்கிறார்? பா.ஜ.க பின்புலத்தில் இருக்கிறது என தோன்றுகிறது.

ரஜினி கட்சி தொடங்காதது யாருக்கு சாதகம், யாருக்கு பாதகம் என்பதை கூற முடியாது. 1996 பொதுத் தேர்தலில் ரஜினி கொடுத்த வாய்ஸ் எனக்கும் பாதிப்பு ஏற்படுத்தியது. இந்த தேர்தல் களத்தில் யாருக்கும் ஆதரவு அளிக்கமாட்டார்.

ஜெயலலிதா மரணம் தொடர்பான விசாரணை கமிஷன் முடங்கி இருப்பது அதிர்ச்சி அளிக்கிறது. மதிமுகவின் தனித்தன்மையை காக்க தனி சின்னத்தில் தான் போட்டியிடுவோம், இதில் எந்த வலியுறுத்தலும் எங்களுக்கு வரவில்லை'' என்று கூறினார்.